തൃശൂര്‍: ചേലക്കരയില്‍ അമ്മയും മക്കളും വിഷം കഴിച്ച് ആത്മഹത്യക്ക് ശ്രമിച്ചു. ആറുവയസുകാരിക്ക് ദാരുണാന്ത്യം. ചേലക്കര മേപ്പാടത്താണ് സംഭവം.

അമ്മ ഷൈലജയും, മകന്‍ നാലുയവസുകാരനായ അക്ഷയ്, ആറു വയസുകാരി അനിമ എന്നിവരാണ് വിഷം കഴിച്ചത്. അമ്മയെയും, മകനെയും നാട്ടുകാര്‍ ചേര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇവരുടെ നില ഗുരുതരമായി തുടരുകയാണ്. 

ഷൈലജയുടെ ഭര്‍ത്താവ് പ്രദീപ് രണ്ടാഴ്ച്ചയ്ക്ക് മുന്‍പ് മരിച്ചിരുന്നു. ഇതിന്റെ മനോവിഷമത്തിലാണ് ആത്മഹത്യ ശ്രമമെന്നാണ് വിവരം. 

ഇന്ന് രാവിലെ മുതല്‍ വീട് അടഞ്ഞ് കിടക്കുകയായിരുന്നെന്ന് നാട്ടുകാര്‍ പറഞ്ഞു. രാത്രിയായിട്ടും ആരെയും പുറത്ത് കാണാത്തതിനെ തുടര്‍ന്ന് നടത്തിയ പരിശോധനയിലാണ് മൂവരെയും വിഷം ഉള്ളില്‍ച്ചെന്ന നിലയില്‍ കണ്ടെത്തിയത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും മകളെ രക്ഷിക്കാനായില്ല.

ALSO READ: കേരള സ്‌റ്റോറിയുടെ പിറവിക്ക് കാരണം വിഎസിന്റെ പ്രസ്താവന; കേരളം ഇസ്‌ലാമിക് സ്റ്റേറ്റാകുമെന്ന് അദ്ദേഹം പറഞ്ഞു; അവാർഡിന് പിന്നാലെ സുദീപ്‌തോ സെന്‍