പാലക്കാട്: യുവ നടന്‍ ശ്രീജിത്ത് രവി പെണ്‍കുട്ടികള്‍ക്ക് മുന്നില്‍ നഗ്നത പ്രദര്‍ശിപ്പിക്കുകയും കുട്ടികളുടെ ഫോട്ടോ എടുക്കുകയും ചെയ്ത കേസില്‍ രക്ഷിതാക്കളുടെയും കുട്ടികളുടെയും മനസില്‍ കൂടുതല്‍ മുറിവുണ്ടാകുന്ന തരത്തില്‍ പെരുമാറിയ ഒറ്റപ്പാലം പൊലിസ് സ്റ്റേഷനിലെ സിവില്‍ പൊലിസ് ഓഫിസര്‍ ഏറെ കോളിളക്കം സൃഷ്ടിച്ച സമ്പത്ത് വധക്കേസിലും തല നാഴിരക്ക് രക്ഷപ്പെട്ട ഉദ്യോഗസ്ഥനാണെന്ന് വെളിപ്പെടുത്തല്‍. സഹ പ്രവര്‍ത്തകരായ പൊലിസുകാരാണ് മാധ്യ മപ്രവര്‍ത്തകരോട് വെളിപ്പെടുത്തിയത്. ശ്രീജിത്ത് രവി കേസില്‍ പരാതിയില്‍ നിന്ന് പിന്തിരിയാന്‍ ഈ പൊലിസുകാരന്‍ പെണ്‍കുട്ടികളോടും രക്ഷിതാക്കളോടും സമ്മര്‍ദ്ദം ചെലുത്തിയിരുന്നത് വിവാദമായിരുന്നു. ഇയാള്‍ക്കെതിരേ വകുപ്പ് തല അന്വേഷണം നടന്ന് വരുന്നതിനിടെയാണ് സഹ പ്രവര്‍ത്തകരുടെ വെളിപ്പെടുത്തല്‍.