മണ്ണാര്‍ക്കാട്: കലോത്സവത്തില്‍ പങ്കെടുക്കാനെത്തിയ വിദ്യാര്‍ത്ഥി വാഹനാപകടത്തില്‍ മരിച്ചു. മണ്ണാര്‍ക്കാട ്പള്ളിക്കുറുപ്പ് പാറപ്പാടംരാജേഷ്- ദിവ്യ ദമ്പതികളുടെ മകന്‍ ദില്‍ജിത്ത്(17 )ആണ് മരിച്ചത്. പള്ളിക്കുറുപ്പ് ശബരി ഹയര്‍സെക്കന്‍ഡറി സ്‌കൂളിലെ പന്ത്രണ്ടാംക്ലാസ് കോമേഴ്സ് വിദ്യാര്‍ത്ഥിയാണ്. 

കാഞ്ഞിരപ്പുഴ ചിറക്കല്‍ പടിയിലെ പാലാപ്പട്ടയില്‍ വെച്ച് കൂട്ടുകാരനായ മുഹമ്മദ് സിനാനുമൊത്ത് ബൈക്കില്‍ മണ്ണാര്‍ക്കാട് വരുമ്പോഴാണ് അപകടം. ഓമിനിവാനുമായി ബൈക്ക് കൂട്ടിയിടിക്കുകയായിരുന്നു. ബുധനാഴ്ച്ച രാവിലെ 11 മണിക്കാണ് അപകടം ഉണ്ടായത്. 

ALSO READ: അങ്കമാലിയില്‍ ആറുമാസം പ്രായമായ കുഞ്ഞ് കഴുത്തിന് മുറിവേറ്റ് മരിച്ച നിലയില്‍; മരിച്ചത് അമ്മൂമ്മയ്‌ക്കൊപ്പം ഉറങ്ങാന്‍ കിടന്ന കുഞ്ഞ്

ആദ്യം തച്ചമ്പാറയിലെ ആശുപത്രിയിലും പിന്നീട് വട്ടമ്പലം സ്വകാര്യആശുപത്രിയിലും പ്രവേശിച്ചില്ലെങ്കിലും ഉച്ചയോടെ മരണപ്പെട്ടു മണ്ണാര്‍ക്കാട് ഗവണ്‍മെന്റ് യുപി സ്‌കൂളില്‍ നടന്നുവരുന്ന സബ്ജില്ല കലോത്സവത്തില്‍ നാടന്‍പാട്ടില്‍ പങ്കെടുക്കാനെത്തിയതായിരുന്നു. കഴിഞ്ഞ ദിവസം ചിത്രരചന ജലച്ചായം മത്സരത്തില്‍ ദില്‍ജിത്ത് എ. ഗ്രേഡ് നേടി ജില്ലയിലേക്ക് മത്സരിക്കാന്‍ അര്‍ഹത നേടിയിരുന്നു. 

English Summary: A 17-year-old student who came to participate in the Sub-District School Arts Festival in Palakkad tragically died in a road accident. The deceased has been identified as Dhiljith, son of Rajesh and Divya of Pallikkurupp, Parappadam. He was a Plus Two commerce student at Shabari Higher Secondary School, Pallikkurupp.