തിരുവനന്തപുരം: ധനമന്ത്രി കെ.എന്‍ ബാലഗോപാല്‍ സഞ്ചരിച്ച വാഹനം അപകടത്തില്‍പെട്ട സംഭവത്തില്‍ വാഹനത്തില്‍ ഇടിച്ച കാറിന്റെ ഡ്രൈവര്‍ മദ്യപിച്ചിരുന്നതായി പൊലിസ് കണ്ടെത്തല്‍. പത്തനംതിട്ട ഇലന്തൂര്‍ സ്വദേശി മാത്യു തോമസ്(45) ആണ് വാഹനം ഓടിച്ചിരുന്നത്. ഇയാള്‍ക്കെതിരെ പൊലിസ് കേസെടുത്തു. 

സംഭവത്തിന് പിന്നാലെ വെഞ്ഞാറമൂട് പൊലിസ് സ്ഥലത്തെത്തി ഇടിച്ച വാഹനത്തിന്റെ ഡ്രൈവറെ കസ്റ്റഡിയിലെടുത്തിരുന്നു. പ്രതി മദ്യപിച്ചിരുന്നതായി വൈദ്യപരിശോധനയില്‍ കണ്ടെത്തി. ഇയാളെ കസ്റ്റഡിയിലെടുത്ത ശേഷം വിട്ടയച്ചു. 

ALSO READ: മടിയില്‍ വെച്ചപ്പോള്‍ മകന് ജീവനുണ്ടായിരുന്നു, വാഹനം കിട്ടിയിരുന്നെങ്കില്‍ ഒരാളയെങ്കിലും രക്ഷിക്കാമായിരുന്നു: അമ്മ ദേവി

ശനിയാഴ്ച്ച രാത്രി 10.15നായിരുന്നു മന്ത്രി ബാലഗോപാലന്റെ വാഹനം അപകടത്തില്‍പെട്ടത്. വെഞ്ഞാറമൂട് വാമനപുരത്ത് വച്ചാണ് അപകടമുണ്ടായത്. കൊട്ടാരക്കര ഭാഗത്ത് നിന്ന് തിരുവനന്തപുരത്തേക്ക് വരികയായിരുന്നു മന്ത്രി. അപകടമുണ്ടായെങ്കിലും മന്ത്രിയും കൂടെയുണ്ടായിരുന്നവരും പരുക്കേല്‍ക്കാതെ രക്ഷപ്പെട്ടു. മന്ത്രി തുടര്‍ന്ന് ജി. സ്റ്റീഫന്‍ എം.എല്‍.എയുടെ കാറിലാണ് മന്ത്രി യാത്ര തുടര്‍ന്നത്. 

English Summary: Kerala Finance Minister K. N. Balagopal’s vehicle was involved in an accident on Saturday night near Vamanapuram, Venjaramoodu. Police investigations revealed that the driver of the car that collided with the minister’s vehicle was under the influence of alcohol.