സന്നിധാനം: ശബരിമല സന്നിധാനത്തെ ദേവസ്വം ഭണ്ഡാരത്തിൽ മോഷണം നടത്തിയ താല്ക്കാലിക ജീവനക്കാരനെ പൊലിസ് അറസ്റ്റ് ചെയ്തു. തൃശൂർ ശ്രീനാരായണപുരം വെമ്പനല്ലൂർ സ്വദേശി രതീഷ് കെ.ആർ (43) ആണ് പിടിയിലായത്. മണ്ഡല-മകരവിളക്ക് ഉത്സവത്തോടനുബന്ധിച്ച് പുതിയ ഭണ്ഡാരത്തിൽ കിഴികെട്ടുകൾ അഴിക്കുന്ന ജോലിക്കായിരുന്നു ഇയാളെ നിയോഗിച്ചിരുന്നത്.

ALSO READ: ഡെലിവറി ബോയ്‌സിന്റെ ചീറിപ്പാച്ചിൽ അവസാനിക്കുന്നു?; കമ്പനികൾക്ക് എതിരെ കർശന നടപടിയുമായി മോട്ടോർ വാഹന വകുപ്പ്

പരിശോധനയിൽ കുടുങ്ങി ഡ്യൂട്ടി കഴിഞ്ഞ് പുറത്തേക്ക് പോകുന്ന സമയത്ത് നടന്ന പതിവ് പരിശോധനയിലാണ് മോഷണം പുറത്തായത്. ഇയാൾ ധരിച്ചിരുന്ന കൈയുറയ്ക്കുള്ളിൽ വെളുത്ത തുണിയിൽ പൊതിഞ്ഞ നിലയിൽ 3,000 രൂപ കണ്ടെത്തി. സംശയം തോന്നിയ ദേവസ്വം വിജിലൻസ് തുടർന്ന് നടത്തിയ വിശദമായ പരിശോധനയിലാണ് പ്രതിയുടെ ബാഗിൽ നിന്നും അനധികൃതമായി സൂക്ഷിച്ചിരുന്ന 20,130 രൂപ കൂടി കണ്ടെടുത്തത്.

മോഷണമുതൽ പിടിച്ചെടുത്തതോടെ പ്രതിയെ സന്നിധാനം പൊലിസിന് കൈമാറി. സംഭവത്തിൽ കൂടുതൽ അന്വേഷണം നടന്നുവരികയാണെന്ന് അധികൃതർ അറിയിച്ചു.

A temporary employee at the Sabarimala Devaswom bhandaram (counting center) was arrested for stealing money from the offerings. The accused, identified as Ratheesh K.R. (43) from Thrissur, was caught during a routine security check after his shift. Devaswom vigilance officials found ₹3,000 hidden inside his gloves and a further ₹20,130 stashed in his bag. He was working as a temporary staff member for the Mandalam-Makaravilakku season, specifically assigned to untie the money pouches (kizhi). He has been handed over to the Sannidhanam police for further action.