കോഴിക്കോട്:മുതിർന്ന കോൺഗ്രസ് നേതാവ് രമേശ് ചെന്നിത്തല  സമസ്ത അധ്യക്ഷൻ സയ്യിദ് മുഹമ്മദ് ജിഫ്രി മുത്തുക്കോയ തങ്ങളുമായി കൂടിക്കാഴ്ച നടത്തി.കോഴിക്കോട്ടെ സമസ്ത കാര്യാലയത്തിൽ രാവിലെ ഒൻപതുമണിയോടെയായിരുന്നു കൂടിക്കാഴ്ച. സന്ദർശനം സ്വകാര്യമായിരുന്നുവെന്നും കോഴിക്കോട്ട് വന്നാൽ തങ്ങളെ പറ്റുന്ന സമയങ്ങളിൽ കാണാൻ ശ്രമിക്കാറുണ്ടെന്നും സമസ്തയുടെ നൂറാം വാർഷികവുമായി ബന്ധപ്പെട്ട കാര്യങ്ങൾ സംസാരിച്ചുവെന്നും ചെന്നിത്തല വ്യക്തമാക്കി.ന്യൂനപക്ഷ സമൂഹം വെല്ലുവിളി നേരിടുന്ന സാഹചര്യങ്ങളും വോട്ട് ചോരി ഉൾപ്പെടെ ആശങ്കയുണ്ടാക്കുന്ന വിഷയങ്ങളും കോൺഗ്രസിന്റെ ശ്രദ്ധയിൽ പെടുത്തിയതായും സമസ്തയുടെ നൂറാം വാർഷിക സമ്മേളനത്തെക്കുറിച്ച് സംസാരിച്ചതായി ജിഫ്രി തങ്ങളും വ്യക്തമാക്കി.