പാലക്കാട്: മണ്ണാർക്കാട് അർബൻ സഹകരണ ക്രെഡിറ്റ്സ് സൊസൈറ്റിയിൽ വൻ സാമ്പത്തിക തട്ടിപ്പ് നടത്തിയ കേസിൽ ബാങ്ക് സെക്രട്ടറി അറസ്റ്റിൽ. പുല്ലിശ്ശേരി പള്ളിയപ്പത്ത് സ്വദേശി സജിത്ത് (40) ആണ് മണ്ണാർക്കാട് പൊലിസിന്റെ പിടിയിലായത്. സ്ഥാപനത്തിലെ വിശ്വസ്തനായതിനാൽ ഉദ്യോഗസ്ഥൻ നടത്തിയ തട്ടിപ്പിൽ ആർക്കും സംശയമൊന്നും തോന്നിയിരുന്നില്ല.

ഇടപാടുകാരുടെ സ്ഥിര നിക്ഷേപ രേഖകൾ (ഫിക്സഡ് ഡെപ്പോസിറ്റ്) ഉപയോഗിച്ച് വ്യാജ ഒപ്പിട്ട് ലക്ഷങ്ങൾ വായ്പയെടുത്താണ് ഇയാൾ തട്ടിപ്പ് നടത്തിയത്. മൂന്ന് ഇടപാടുകാരിൽ നിന്നായി ഏകദേശം 40 ലക്ഷം രൂപ തട്ടിയെടുത്തെന്ന പരാതിയിലാണ് അറസ്റ്റ്. മൂന്ന് ഇടപാടുകാർ സ്ഥിര നിക്ഷേപമായി നിക്ഷേപിച്ച 5,00,000 രൂപ, 7,35,000 രൂപ, 27,00,000 രൂപ എന്നീ തുകകൾ കാലാവധി പൂർത്തിയാക്കിയിട്ടും തിരികെ നൽകിയില്ല എന്നതാണ് ഒരു പരാതി. കൂടാതെ, നിക്ഷേപകർക്ക് നിയമപരമായി ലഭിക്കേണ്ട പലിശയും ലഭിച്ചിട്ടില്ല.

ഇടപാടുകാരുടെ പേരിലുള്ള ഫിക്സഡ് ഡെപ്പോസിറ്റിന്റെ പകർപ്പുകൾ ഉപയോഗിച്ച്, വ്യാജ ഒപ്പിട്ട് ഇതേ സൊസൈറ്റിയിൽ നിന്ന് ലക്ഷങ്ങൾ വായ്പയെടുത്താണ് സജിത്ത് തട്ടിപ്പ് നടത്തിയത്. സഹകരണ വകുപ്പ് അസി. രജിസ്ട്രാറുടെ പരാതി പ്രകാരം, സൊസൈറ്റിയിലെ ക്രമക്കേടുമായി ബന്ധപ്പെട്ട മറ്റൊരു കേസ് ഉൾപ്പെടെ ആകെ നാല് കേസുകളാണ് പ്രതിക്കെതിരെ രജിസ്റ്റർ ചെയ്തിട്ടുള്ളത്.

മണ്ണാർക്കാട് പൊലിസ് ഇൻസ്പെക്ടർ വിപിൻ കെ. വേണുഗോപാലിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. സബ് ഇൻസ്പെക്ടർമാരായ സുഹൈൽ, അബ്ദുൾ സത്താർ, പ്രമോദ്, ജിദേഷ് ബാബു, എഎസ്ഐ ബിന്ദു, എസ്.സിപിഒ അഭിലാഷ്, സിപിഒമാരായ ധന്യ, അമ്പിളി, ഹേമന്ദ് എന്നിവരടങ്ങുന്ന സംഘമാണ് കേസ് അന്വേഷണം നടത്തുന്നത്.

The trusted secretary of the Mannarkkad Urban Co-operative Credits Society, Sajith (40), was arrested by the police for a major financial fraud amounting to approximately ₹40 lakh. He allegedly used the fixed deposit documents of three customers to forge their signatures, securing large loans from the society and misappropriating the funds. He is also accused of failing to return the mature deposits and interest to the customers. Four cases, including those related to the fixed deposits and general society irregularities, have been filed against him.