തിരൂര്‍: ഉണ്യാല്‍ ആലിന്‍ചുവടു നിന്നു പൊലിസ് സംഘത്തെ അക്രമിച്ച കേസില്‍ ഒരാള്‍ കൂടി അറസ്റ്റില്‍. ഉണ്യാല്‍  പള്ളീമാന്റെ പുരക്കല്‍ റാസിക്കി(23)നെയാണു പൊലിസ് റെയ്ഡ് നടത്തി അറസ്റ്റ് ചെയ്തത്. ഇതോടെ  പൊലിസിനെ അക്രമിച്ച കേസില്‍ പിടിയിലായ പ്രതികളുടെ എണ്ണം എട്ടായി.
ഇയാള്‍ ലീഗ്  പ്രവര്‍ത്തകനാണെന്നു പൊലിസ് പറഞ്ഞു. സംഭവ ശേഷം പരപ്പനങ്ങാടിയില്‍ സഹോദരിയുടെ വീട്ടില്‍  ഒളിവില്‍ കഴിയുകയായിരുന്ന പ്രതിയെ ഇന്നലെ പുലര്‍ച്ചയോടെയാണ് പൊലിസ് പിടികൂടിയത്.  തിരൂര്‍ സി.ഐ കെ.എം ഷാജി, താനൂര്‍ സി.ഐ അലവി, എസ്.ഐ വത്സന്‍, സിപിഒ സുധീര്‍  എന്നിവരടങ്ങുന്ന സംഘമാണു പ്രതിയെ പിടികൂടിയത്.  
പ്രതി മറ്റു സംഘര്‍ഷ കേസുകളില്‍  ഉള്‍പ്പെട്ടതായും പൊലിസിനെ അക്രമിച്ച ശേഷം പരപ്പനങ്ങാടിയില്‍ ഒളിവില്‍ താമസിക്കുകയായിരുന്നെന്നും  തിരൂര്‍ സി.ഐ പറഞ്ഞു. തിരൂര്‍ കോടതി  പ്രതിയെ റിമാന്‍ഡ്  ചെയ്തു.