ലഖ്‌നൗ: മകനെ ആക്രമിച്ച പുള്ളിപ്പുലിയെ കൊലപ്പെടുത്തി 60കാരനായ പിതാവ്. ഗുജറാത്തിലെ ഗിർസോമനാഥ് ജില്ലയിലാണ് സംഭവം നടന്നത്. മകൻ ശാർദുലിനെയാണ് അച്ഛൻ ബാബുരാജ് രക്ഷപ്പെടുത്തിയത്. ബാബു ഭായ് വീടിന്റെ അടുത്തുള്ള ഷെഡിൽ ഇരിക്കുമ്പോൾ ആയിരുന്നു പുള്ളിപ്പുലി ചാടി വീണത്. ഈ സമയം പിതാവിന്റെ നിലവിളി കേട്ട് ശാർദുൽ ഓടിയെത്തുകയായിരുന്നു. തുടർന്ന് പുലി മകനെ ആക്രമിക്കുകയായിരുന്നു. ഇതിനു പിന്നാലെ പിതാവ് അടുത്തുണ്ടായ കുന്തവും അരിവാളും ഉപയോഗിച്ചുകൊണ്ട് പുലിയെ കൊലപ്പെടുത്തുകയായിരുന്നു. 

സംഭവത്തിൽ പിതാവിനും മകനും ഗുരുതര പരുക്കേറ്റു. ഇരുവരെയും ആദ്യം ഉനയിലെ സർക്കാർ ആശുപത്രിയിലും പിന്നീട് വിദഗ്ദ്ധ ചികിത്സക്ക് വേണ്ടി സ്വകാര്യ ആശുപത്രിയിലേക്ക് മാറ്റുകയും ചെയ്തു. വനംവകുപ്പ് ഉദ്യോഗസ്ഥർ സ്ഥലത്തെത്തി ആയുധങ്ങൾ പിടിച്ചെടുത്തു. വന്യമൃഗത്തെ കൊലപ്പെടുത്തിയതിന് ഇരുവർക്കുമെതിരെ പരാതിയെടുത്ത് വനംവകുപ്പ് അന്വേഷണം ആരംഭിച്ചു.