റിയാദ്: സഊദി അറേബ്യയിലെ കിഴക്കൻ പ്രവിശ്യയിലുള്ള അൽ-അഹ്‌സ ഗവർണറേറ്റിലെ റാസ് ഖുറയ്യ തുറമുഖത്ത് നടത്തിയ രണ്ടാം ഘട്ട പുരാവസ്തു ഗവേഷണം വിജയകരം. അബ്ബാസിദ് ഭരണകാലത്തെ അപൂർവ്വ നാണയവും 147 നിർമ്മിതികളും ഇവിടങ്ങളിൽ നിന്ന് കണ്ടെത്താൻ സാധിച്ചു. വാസ്തുവിദ്യാ വൈദ​ഗ്ധ്യത്തെ തുറന്നുകാട്ടുന്ന നിരവധി തെളിവുകളാണ് ഗവേഷകർക്ക് ഇവിടെ നിന്നും ശേഖരിച്ചത്.

ALSO READ: സഊദിയിൽ വിസിറ്റ് വിസ കാലാവധി കഴിഞ്ഞിട്ടും തുടരുന്നവർക്കെതിരെ കർശന നടപടി; സ്പോൺസർമാർക്കും വൻ പിഴയും തടവും

വലിയ മുറ്റങ്ങൾ, കിണറുകൾ ഉൾപ്പെടെ 147 വ്യത്യസ്ത വാസ്തുവിദ്യാ യൂണിറ്റുകൾ എന്നിവ കണ്ടെത്തിയിട്ടുണ്ട്. അൽ-ഉഖൈർ തുറമുഖത്തിന് 26 കിലോമീറ്റർ വടക്കുപടിഞ്ഞാറായാണ് ഈ ചരിത്ര കേന്ദ്രം സ്ഥിതി ചെയ്യുന്നത്. എഡി 765ൽ നിർമ്മിച്ച അബ്ബാസിദ് ദിർഹമാണ് പര്യവേഷണത്തിലെ ഏറ്റവും പ്രധാനപ്പെട്ട കണ്ടെത്തൽ. ആദ്യകാല ഇസ്‌ലാമിക് കാലഘട്ടത്തിലൂടെ പത്താം നൂറ്റാണ്ടിന്റെ അവസാനം വരെ സജീവമായിരുന്നു ഈ പ്രദേശമെന്നും ​കണ്ടെത്തിയിട്ടുണ്ട്. സഊദിയുടെ സാംസ്കാരിക പൈതൃകം വിളിച്ചോതുന്ന നിരവധി കണ്ടെത്തലുകളാണ് ഇവിടെ നിന്നും ​ഗവേഷകർക്ക് ലഭിച്ചത്.

 Saudi Heritage Commission uncovers 147 ancient architectural units and a rare Abbasid dirham from 765 AD at Ra’s Qurayyah Port in Al-Ahsa. The discovery highlights the region's historical significance from the pre-Islamic era to the 10th century.