മനാമ: സുരക്ഷാ മുൻകരുതലുകളുടെ ഭാഗമായി ബഹ്‌റൈൻ വ്യോമാതിർത്തി താൽക്കാലികമായി അടച്ചു. ഇതേത്തുടർന്ന് ബഹ്‌റൈൻ അന്താരാഷ്ട്ര വിമാനത്താവളത്തിൽ നിന്നുള്ള എല്ലാ വിമാന സർവീസുകളും നിർത്തിവെച്ചതായി അധികൃതർ അറിയിച്ചു. വ്യോമാതിർത്തി സുരക്ഷിതമാണെന്ന് ഉറപ്പുവരുത്തിയ ശേഷം മാത്രമേ സർവീസുകൾ പുനരാരംഭിക്കുകയുള്ളൂ.

ALSO READ: തുടര്‍ച്ചയായ ആക്രമണങ്ങളും പ്രതിഷേധവും: ബഹ്‌റൈനില്‍ തെരുവുകളിലെ കൂടിച്ചേരലുകള്‍ക്ക് വിലക്ക്

വിമാനത്താവളത്തിന്റെ പ്രവർത്തനം താൽക്കാലികമായി തടസ്സപ്പെട്ട സാഹചര്യത്തിൽ, യാത്രക്കാർ അതത് വിമാനക്കമ്പനികളുമായി ബന്ധപ്പെട്ട് തങ്ങളുടെ യാത്രയെക്കുറിച്ചുള്ള ഏറ്റവും പുതിയ വിവരങ്ങൾ തേടണമെന്ന് അധികൃതർ നിർദ്ദേശിച്ചു. മുൻകൂട്ടി നിശ്ചയിച്ച വിമാനങ്ങളുടെ സമയക്രമത്തിൽ മാറ്റം വരാൻ സാധ്യതയുള്ളതിനാൽ വിമാനത്താവളത്തിലേക്ക് പുറപ്പെടുന്നതിന് മുൻപ് സ്ഥിരീകരണം ഉറപ്പാക്കേണ്ടതാണ്.

ALSO READ: ആക്രമണത്തില്‍ നാശം സംഭവിച്ച വീടുകള്‍ പുനരുദ്ധരിക്കും; ഹിദ്ദിലെ കുടുംബങ്ങളെ സന്ദര്‍ശിച്ച് ബഹ്‌റൈന്‍ ഉപപ്രധാനമന്ത്രി 

മേഖലയിലെ നിലവിലെ സാഹചര്യങ്ങൾ പരിഗണിച്ചാണ് ഈ അടിയന്തര നടപടി. വ്യോമാതിർത്തി വീണ്ടും തുറക്കുന്ന മുറയ്ക്ക് വിമാനത്താവളത്തിന്റെ പ്രവർത്തനം സാധാരണ നിലയിലാകുമെന്ന് ബഹ്‌റൈൻ എയർപോർട്ട് അതോറിറ്റി വ്യക്തമാക്കി.

bahrain has temporarily closed its airspace and suspended flight operations amid rising regional tensions. authorities said the precautionary measure was taken to ensure safety, while airlines and passengers have been advised to monitor official updates for further announcements.