താനൂർ: മലപ്പുറം താനൂരിൽ ഗവൺമെന്റ് കോളേജ് കെട്ടിട ഉദ്ഘാടനവുമായി ബന്ധപ്പെട്ട് മന്ത്രിമാർ തമ്മിൽ പരസ്യമായ അസ്വാരസ്യം. കായികമന്ത്രി വി. അബ്ദുറഹിമാൻ എത്തുന്നതിന് മുൻപേ ഉന്നതവിദ്യാഭ്യാസ മന്ത്രി ആർ. ബിന്ദു ഉദ്ഘാടന കർമ്മം നിർവഹിച്ചതാണ് നാടകീയ രംഗങ്ങൾക്ക് വഴിതെളിച്ചത്.

ഇതിൽ പ്രതിഷേധിച്ച് മന്ത്രി വി. അബ്ദുറഹിമാൻ ചടങ്ങ് ബഹിഷ്കരിച്ചു. ഗവൺമെന്റ് കോളേജ് കെട്ടിടത്തിന്റെ ഉദ്​ഘാടനം നിശ്ചയിച്ചിരുന്ന സമയത്ത് തന്നെ മന്ത്രി ആർ. ബിന്ദു ഓൺലൈനായി കോളേജിന്റെ കെട്ടിടത്തിന്റെ ഉദ്ഘാടനം ചെയ്യുകയായിരുന്നു.

ALSO READ: മന്ത്രിയെ കണ്ടത് മോശം സാഹചര്യത്തിൽ, തെളിവ് കൈവശമുണ്ട്; ഗണേഷ് കുമാറിനെതിരെ ഗുരുതര ആരോപണങ്ങളുമായി ഭാര്യ

സ്ഥലത്തെ എം.എൽ.എ കൂടിയായ കായികമന്ത്രി വി. അബ്ദുറഹിമാൻ ചടങ്ങിനെത്തുന്നതിന് തൊട്ടുമുൻപാണ് ഉദ്ഘാടന നടപടികൾ പൂർത്തിയായത്. താൻ എത്തുന്നതിന് മുൻപേ ഉദ്ഘാടനം നടന്നു എന്നറിഞ്ഞതോടെ മന്ത്രി അബ്ദുറഹിമാൻ വേദിയിലേക്ക് വരാതെ മടങ്ങുകയായിരുന്നു.

പ്രോട്ടോക്കോൾ ലംഘനവും രാഷ്ട്രീയമായ അവഗണനയുമാണ് നടന്നതെന്ന ആരോപണം ഈ സംഭവത്തോടെ ശക്തമായിട്ടുണ്ട്. പ്രാദേശികമായി വലിയ ചർച്ചകൾക്കാണ് ഈ 'മിന്നൽ' ഉദ്ഘാടനം വഴിയൊരുക്കിയിരിക്കുന്നത്.

A protocol row recently broke out in Tanur, Malappuram, between two Kerala state ministers during the inauguration of a new government college building. Higher Education Minister R. Bindu reportedly inaugurated the building via an online ceremony before the arrival of Sports Minister V. Abdurahiman, who is also the local MLA for Tanur.