ന്യൂഡല്‍ഹി: പശ്ചിമേഷ്യന്‍ സംഘര്‍ഷത്തിന് പിന്നാലെ രാജ്യത്ത് എല്‍പിജി സിലിണ്ടര്‍ ക്ഷാമം രൂക്ഷമാവുന്നു. മുംബൈ, ബംഗളൂരു എന്നിവിടങ്ങളില്‍ ഹോട്ടലുകള്‍ അടച്ചു പൂട്ടല്‍ ഭീഷണിയിലാണെന്ന് വ്യവസായ സംഘടനകള്‍ ചൂണ്ടിക്കാട്ടി. പിന്നാലെ എല്‍പിജി ഉത്പാദനം വര്‍ദ്ധിപ്പിക്കാന്‍ എണ്ണ ശുദ്ധീകരണശാലകള്‍ക്ക് കേന്ദ്രം ഉത്തരവിട്ടു.

ഇറാന്‍-ഇസ്‌റാഈല്‍-യുഎസ് യുദ്ധവും ഹോര്‍മുസ് കടലിടുക്ക് ഉള്‍പ്പെടെയുള്ള പ്രധാന ഊര്‍ജ്ജ ഷിപ്പിംഗ് റൂട്ടുകളില്‍ അത് ഉണ്ടാക്കിയ തടസ്സവും കാരണം കഴിഞ്ഞ ശനിയാഴ്ച എല്‍പിജി സിലിണ്ടറുകളുടെ വില വര്‍ദ്ധിപ്പിച്ചിരുന്നു. ഗാര്‍ഹിക പാചക വാതകത്തിന്റെ വില 60 രൂപയും വാണിജ്യ എല്‍പിജി സിലിണ്ടറുകളുടെ വില 115 രൂപയുമാണ് വര്‍ദ്ധിപ്പിച്ചത്.

ALSO READ: അഹമ്മദാബാദ് വിമാനാപകടം: അന്വേഷണ റിപ്പോർട്ട് വൈകില്ലെന്ന് കേന്ദ്രമന്ത്രി കെ. റാംമോഹൻ നായിഡു

ഇന്ന് (മാര്‍ച്ച് 10) മുതല്‍ നഗരത്തിലെ ഹോട്ടല്‍, റസ്റ്റോറന്റ് പ്രവര്‍ത്തനങ്ങള്‍ അവസാനിപ്പിക്കുമെന്ന് കഴിഞ്ഞ ദിവസം ബാംഗ്ലൂര്‍ ഹോട്ടല്‍സ് അസോസിയേഷന്‍ അറിയിച്ചിരുന്നു. നിലവിലെ പ്രതിസന്ധി 20 ശതമാനം ഹോട്ടലുകളുടെ പ്രവര്‍ത്തനത്തെ ബാധിച്ചിരിക്കുകയാണ്.രണ്ടുദിവസത്തിനകം ഇത് 60 ശതമാനം ആകും- ഹോട്ടല്‍ ഉടമകള്‍ സര്‍ക്കാറിന് നല്‍കിയ അറിയിപ്പില്‍ പറയുന്നു. സിലിണ്ടറുകള്‍ക്ക് അധിക തുക കൊടുക്കേണ്ട സാഹചര്യമാണ് ഉള്ളതെന്നും ഇവര്‍ ചൂണ്ടിക്കാട്ടുന്നു.  

'ഹോട്ടല്‍ വ്യവസായം ഒരു അവശ്യ സേവനമായതിനാല്‍, ദൈനംദിന ഭക്ഷണത്തിനായി ഹോട്ടലുകളെ ആശ്രയിക്കുന്ന സാധാരണക്കാര്‍, വിദ്യാര്‍ത്ഥികള്‍, മെഡിക്കല്‍ പ്രൊഫഷണലുകള്‍ എന്നിവരെ ഇത് ബാധിക്കും' ഹോട്ടല്‍ അസോസിയേഷന്‍ പറഞ്ഞു. ഗ്യാസ് വിതരണം സാധാരണ നിലയിലാകുന്നതുവരെ ഹോട്ടല്‍ വ്യവസായം ബുദ്ധിമുട്ടുകള്‍ നേരിടേണ്ടിവരുമെന്നും അസോസിയേഷന്‍ ചൂണ്ടിക്കാട്ടുന്നു.

ALSO READ: 'ഹാപ്പി ഹോളി' എന്ന് പറയുന്നത് കുറ്റമോ? ഉത്തർപ്രദേശിൽ ഹോളി ആശംസിച്ച ദലിത് യുവാവിനെ ബ്രാഹ്മണ കുടുംബം കുത്തിക്കൊലപ്പെടുത്തി

ക്ഷാമം രൂക്ഷമായതിന് പിന്നാലെ എണ്ണ ശുദ്ധീകരണ പ്ലാന്റുകള്‍ക്ക് അധിക ഉത്പാദനത്തിന്  പെട്രോളിയം മന്ത്രാലയം നിര്‍ദ്ദേശം നല്‍കി. ഗാര്‍ഹിക എല്‍പിജിക്ക് മുന്‍ഗണന നല്‍കണമെന്നും ആശുപത്രി, വിദ്യാഭ്യാസ സ്ഥാപനം എന്നിവിടങ്ങളിലേക്കുള്ള വിതരണത്തിനും മുന്‍ഗണന നല്‍കണമെന്നുമാണ് പെട്രോളിയം മന്ത്രാലയം നിര്‍ദേശം നല്‍കിയിരിക്കുന്നത്.

lpg cylinder shortage is intensifying across india, raising concerns among hotel owners and small businesses. the central government has reportedly issued directions to oil refineries to address the supply crisis and stabilise availability.