റിയാദ്: റമദാന്‍ ആരംഭിച്ച് ആദ്യത്തെ 20 ദിവസത്തിനുള്ളില്‍ സന്ദര്‍ശകരും തീര്‍ഥാടകരും ഉള്‍പ്പെടെ 7,00,000ത്തിലധികം യാത്രക്കാര്‍ ഹറമൈന്‍ അതിവേഗ റെയില്‍വേ ഉപയോഗിച്ചതായി ട്രാന്‍സ്‌പോര്‍ട്ട് ജനറല്‍ അതോറിറ്റി (ടി.ജി.എ) അറിയിച്ചു.
ഈ കാലയളവില്‍ 2,300ലധികം സര്‍വീസുകളാണ് ഹറമൈന്‍ ട്രെയിന്‍ നടത്തിയത്. നഗരങ്ങള്‍ക്കിടയിലുള്ള റോഡ് ഗതാഗതത്തിന്റെ തിരക്ക് കുറയ്ക്കുന്നതിനൊപ്പം, മുഴുവന്‍ സമയവും സുരക്ഷിതവും വേഗമേറിയതുമായ യാത്രാസൗകര്യം ഒരുക്കുന്നതില്‍ ഹറമൈന്‍ നിര്‍ണായക പങ്കുവഹിക്കുന്നുണ്ടെന്നും ടി.ജി.എ വ്യക്തമാക്കി. വിശ്വാസികള്‍ക്ക് സുഗമമായ ഗതാഗതം ഉറപ്പാക്കുന്നതിലും യാത്ര കൂടുതല്‍ എളുപ്പമാക്കുന്നതിലും ട്രെയിന്‍ വലിയ സഹായമാണ്.
വര്‍ഷം മുഴുവനും തീര്‍ഥാടകര്‍ക്ക് സേവനം നല്‍കുന്ന സഊദിയിലെ പ്രധാന ഗതാഗത പദ്ധതികളിലൊന്നാണ് ഹറമൈന്‍ അതിവേഗ റെയില്‍വേ. ജിദ്ദ, കിങ് അബ്ദുല്‍ അസീസ് അന്താരാഷ്ട്ര വിമാനത്താവളം, കിങ് അബ്ദുല്ല ഇക്കണോമിക് സിറ്റി എന്നിവ വഴി മക്കയെയും മദീനയെയും ബന്ധിപ്പിക്കുന്നതാണ് ഈ പാത. 453 കിലോമീറ്റര്‍ ദൈര്‍ഘ്യമുള്ള വൈദ്യുതീകരിച്ച പാതയിലൂടെ സര്‍വീസ് നടത്തുന്ന ട്രെയിനിന്റെ പ്രവര്‍ത്തന വേഗത മണിക്കൂറില്‍ 300 കിലോമീറ്റര്‍ വരെയാണ്. ലോകത്തിലെ ഏറ്റവും വേഗതയേറിയ പത്ത് ട്രെയിനുകളുടെ പട്ടികയിലും ഹറമൈന്‍ ഇടംപിടിച്ചിട്ടുണ്ട്.

ALSO READ: ദുബൈ ക്രീക്ക് ഹാര്‍ബറിലെ കെട്ടിടത്തില്‍ ഡ്രോണ്‍ പതിച്ചു; താമസക്കാരെ ഒഴിപ്പിച്ചു; തീ നിയന്ത്രണവിധേയം

The Transport General Authority (TGA) announced that the Haramain High-Speed Railway has transported more than 700,000 passengers, including visitors and pilgrims, from the start of Ramadan through the 20th day of the holy month. TGA explained that the number of trips operated by the Haramain High-Speed Railway exceeded 2,300.