ആലപ്പുഴ: നിയമസഭാ തെരഞ്ഞെടുപ്പില്‍ മത്സരിക്കുമെന്ന് എവിടെയും പറഞ്ഞിട്ടില്ലെന്ന് ജി.സുധാകരന്‍. താന്‍ പാര്‍ട്ടി വിടുമെന്ന തരത്തില്‍ പുറത്തുവരുന്നത് താന്‍ പറയാത്ത കാര്യങ്ങളാണ്. ഇപ്പോള്‍ നടക്കുന്നതെല്ലാം പ്രചാരണങ്ങള്‍ മാത്രമാണെന്നും അദ്ദേഹം പറഞ്ഞു.

'പാര്‍ട്ടിയെ ആക്ഷേപിക്കാന്‍ ഞാനില്ല. ഒരു ദൗത്യവുമായും ആരും എന്നെ കാണാന്‍ വന്നിട്ടില്ല. അതിനുള്ള സാഹചര്യവുമില്ല. പാര്‍ട്ടിയുടെ പൂര്‍ണ്ണസമയ പ്രവര്‍ത്തകനായി തുടരുകയാണ്'- അദ്ദേഹം വ്യക്തമാക്കി.

ALSO READ: യു പ്രതിഭ അല്ലാതെ വേറൊരു പ്രതിഭയേയും അറിയില്ല; പോറ്റിയുടെ പരാതി ഗൂഢാലോചനയുടെ ഭാഗം: കടകംപള്ളി

എന്നെ വ്യക്തിപരമായി അവഹേളിക്കാന്‍ ശ്രമം നടക്കുന്നു. വ്യക്തിഹത്യ നടത്തിയാല്‍ ശക്തമായി തിരിച്ചടിക്കും. എല്ലാത്തിനും മറുപടി കൊടുക്കും. റോസാപ്പൂ വിരിച്ച പാതയിലൂടെ വന്നതല്ല ഞാന്‍. അടിയന്തരാവസ്ഥ കാലത്ത് ഒരുപാട് മര്‍ദ്ദനങ്ങളും ഗുണ്ടായിസവും ഏറ്റുവാങ്ങി. മന്ത്രിയായാലും അല്ലെങ്കിലും എന്റെ വേഷം ഇതുതന്നെയാണ്. ഒരു തരത്തിലുള്ള വര്‍ഗീയതയുമായി യോജിപ്പില്ലെന്നും അദ്ദേഹം കുറിച്ചു.

G. Sudhakaran dismissed reports claiming that he is planning to contest in the upcoming elections. The senior leader clarified that he has not told anyone that he will contest and rejected the ongoing campaign around it. He also stated that he has not abandoned the ideology or principles of the party, reaffirming his commitment to the line of Communist Party of India (Marxist).