തിരുവനന്തപുരം: മയിലിനെ കല്ലെറിഞ്ഞു കൊലപ്പെടുത്തിയ പ്രതി പിടിയിൽ. തിരുവനന്തപുരം നെടുമങ്ങാട് ഹോട്ടൽ ജീവനക്കാരൻ നേപ്പാൾ സ്വദേശി സുനിൽ കർക്കിയാണ് പിടിയിലായത്. 1972ലെ വന്യജീവി സംരക്ഷണ നിയമ പ്രകാരമാണ് കേസ് എടുത്തിരിക്കുന്നത്. 

കിഴക്കേലെ പൊയ്‌പാറ ചാമുണ്ഡി ക്ഷേത്രത്തിന് അടുത്തുണ്ടായിരുന്ന മയിലിനെയാണ് ഇയാൾ കല്ലെറിഞ്ഞു കൊന്നത്. നാട്ടുകാർ സംഭവം കണ്ടപ്പോൾ ഇയാൾ ഓടി കടന്നുകളയുകയായിരുന്നു. പാലോട് ഫോറസ്റ്റ് റേഞ്ചിലെ ഉദ്യോഗസ്ഥരാണ് പ്രതിയെ പിടികൂടിയത്.