തിരുവനന്തപുരം: സംസ്ഥാനത്ത് അടുത്ത മുന്ന് ദിവസം ഉയര്‍ന്ന താപനില മുന്നറിയിപ്പ്. ഞായറാഴ്ച വരെ കൊല്ലം, കോട്ടയം, പാലക്കാട് ജില്ലകളില്‍ ഉയര്‍ന്ന താപനില 37°C വരെയും തിരുവനന്തപുരം, ആലപ്പുഴ,പത്തനംതിട്ട, എറണാകുളം, തൃശ്ശൂര്‍, മലപ്പുറം, കോഴിക്കോട്, കണ്ണൂര്‍ ജില്ലകളില്‍ ഉയര്‍ന്ന താപനില 36°C വരെയും ഉയരാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഉയര്‍ന്ന താപനിലയും ഈര്‍പ്പമുള്ള വായുവും കാരണം ഈ ജില്ലകളില്‍,  മലയോര മേഖലകളിലൊഴികെ, 2026 മാര്‍ച്ച് 20 മുതല്‍ 22 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.

ALSO READ: 'ഇവിടെ ഒരു ഹിന്ദു എം.എല്‍.എയില്ല, ഇത് ഗുരുവായൂരപ്പന്റെ മണ്ണ്'; വര്‍ഗീയ പരാമര്‍ശവുമായി ബി.ജെ.പി സ്ഥാനാര്‍ഥി ബി. ഗോപാലകൃഷ്ണന്‍

പലയിടത്തും മൂടിക്കെട്ടിയ അന്തരീക്ഷമാണ്. മേഘാവൃതമായ അന്തരീക്ഷത്തില്‍ അള്‍ട്രാവലയറ്റ് സൂചിക കുറയുമെങ്കിലും ഉയര്‍ന്ന ആര്‍ദ്രത (High Humidity) യാണ് ഉണ്ടാവുക. അന്തരീക്ഷ വായുവില്‍ അടങ്ങിയിരിക്കുന്ന ജലബാഷ്പത്തിന്റെ അളവിനെയാണ് അന്തരീക്ഷ ഈര്‍പ്പം അഥവാ ആര്‍ദ്രത എന്ന് വിളിക്കുന്നത്. അതിനാല്‍ തന്നെ താപനില കുറഞ്ഞാലും ഉയര്‍ന്ന ഈര്‍പ്പം ഉള്ളപ്പോള്‍ അനുഭവപ്പെടുന്ന ചൂട് (Feels Temperature) കൂടുതലായിരിക്കും. ഇതുതന്നെയാണ് നിലവില്‍ ചുട്ടുപൊള്ളാനുള്ള കാരണവും. 

Rising temperatures have prompted a weather warning, with a Yellow Alert issued for 11 districts over the next three days. The India Meteorological Department has cautioned that temperatures are likely to remain above normal levels, increasing the risk of heat-related discomfort and health issues.