തിരുവനന്തപുരം: നിയമസഭാ തെരഞ്ഞെടുപ്പിൽ വർഗീയ പ്രസ്ഥാനങ്ങളെ അക്കൗണ്ട് തുറക്കാൻ അനുവദിക്കരുതെന്ന് കോൺഗ്രസ് പ്രവർത്തക സമിതി അംഗം എ.കെ ആന്റണി. ഓണവും വിഷുവും റംസാനും ക്രിസ്മസും ഒരുമിച്ചാഘോഷിക്കുന്ന ഏക സംസ്ഥാനം കേരളമാണ്. ആ സാഹോദര്യം തുടരണമെന്നും മതേതരത്വത്തിൽ വിശ്വസിക്കാത്തവരെ വളരാൻ അനുവദിക്കരുതെന്നും ആന്റണി പറഞ്ഞു. 

ALSO READ: യു പ്രതിഭയ്‌ക്കെതിരായ അധിക്ഷേപം: ഇര്‍ഷാദ് ചക്കാലശ്ശേരി അറസ്റ്റില്‍; മുസ്്‌ലിം ലീഗില്‍ നിന്നും യുഡിഎഫില്‍ നിന്നും പുറത്താക്കി

രാഷ്ട്രീയ ത്യാഗം തെളിയിച്ച വ്യക്തിയായിരുന്നു തലേക്കുന്നിൽ ബഷീറെന്ന് ആന്റണി പറഞ്ഞു. തനിക്കുശേഷം പോകേണ്ടവരായിരുന്നു ബഷീറും ഉമ്മൻ ചാണ്ടിയും. വിലപേശലില്ലാതെ തനിക്കു വേണ്ടി എം.എൽ.എ സ്ഥാനം ബഷീർ രാജിവച്ചു. മത്സരിക്കാൻ ടിക്കറ്റ് കിട്ടാത്തതിനെതിരേ ബഷീർ പ്രസ്താവന നടത്തുകയോ വിമർശിക്കുകയോ ചെയ്തിട്ടില്ലെന്നും ആന്റണി പറഞ്ഞു.