തിരുവനന്തപുരം: നേമം നിയോജകമണ്ഡലത്തിലെ എല്‍.ഡി.എഫ് സ്ഥാനാര്‍ഥിയും മന്ത്രിയുമായ വി ശിവന്‍കുട്ടിക്കെതിരെ വരണാധികാരിക്ക് പരാതി. ഔദ്യോഗികസ്ഥാനം ദുരുപയോഗം ചെയ്തെന്നാണ് പരാതി. നേമം മണ്ഡലത്തിലെ ബി.ജെ.പി ലീഗല്‍ ഇന്‍ ചാര്‍ജ് അഡ്വ. പ്രകാശ് ആര്‍ സിയാണ് മണ്ഡലം വരണാധികാരിക്ക് പരാതി നല്‍കിയത്.

വിദ്യാഭ്യാസമന്ത്രി വി ശിവന്‍കുട്ടി ഔദ്യോഗിക ലെറ്റര്‍ പാഡില്‍ വോട്ടര്‍മാരുടെ പിന്തുണയും സഹായവും അഭ്യര്‍ഥിച്ചുള്ള കത്ത് മണ്ഡലത്തിലെ വീടുകളില്‍ വിതരണം ചെയ്തുവെന്നാണ് പരാതിയില്‍ പറയുന്നത്. ശിവന്‍കുട്ടിയുടെ നടപടി മാതൃകാ പെരുമാറ്റ ചട്ടത്തിന്റെ ലംഘനമാണെന്നും ആരോപിക്കുന്നു.

ALSO READ: കവടിയാര്‍ കൊട്ടാരം മോഷണം: അന്വേഷണത്തോട് നിസ്സഹകരിച്ച് രാജകുടുംബം; പൊലിസിനെതിരെ പരാതി

എന്നാല്‍ സംസ്ഥാനത്തിന്റെ ചിഹ്നം പതിച്ച ഔദ്യോഗിക ലെറ്റര്‍ പാഡ് പരാതിയില്‍ പറയുന്നതുപോലെ ഉപയോഗിച്ചിട്ടില്ലെന്ന് വി.ശിവന്‍കുട്ടി വരണാധികാരിക്കു വിശദീകരണം നല്‍കി. ഈമാസം ആറിനാണ് മണ്ഡലത്തിലെ പ്രധാന വ്യക്തികള്‍ക്ക് കത്തയച്ച് ഭാവി പ്രവര്‍ത്തനങ്ങള്‍ക്കു സഹായവും പിന്തുണയും അഭ്യര്‍ഥിച്ചതെന്നും തെരഞ്ഞെടുപ്പ് വിജ്ഞാപനം വന്നത് മാര്‍ച്ച് 15നാണെന്നും വി. ശിവന്‍കുട്ടി വിശദീകരണത്തില്‍ വ്യക്തമാക്കുന്നു. 

The Bharatiya Janata Party has filed a complaint against Minister V. Sivankutty, alleging that he sought votes using an official letterhead. The party claims this amounts to a violation of election norms and the Model Code of Conduct. Authorities are expected to examine the complaint and take appropriate action if required