കൊച്ചി: കാക്കനാട് ഇൻഫോപാർക്ക് പൊലിസ് സ്റ്റേഷനിൽ ദലിത് യുവാവിന് നേരെ അതിക്രമം. കുടുംബപ്രശ്നം പരിഹരിക്കാനായി സ്റ്റേഷനിലെത്തിയ കാക്കനാട് സ്വദേശി അഭിലാഷാണ് പൊലിസുകാരന്റെ ക്രൂര മർദനത്തിനിരയായത്. സംഭവത്തിൽ ഇൻഫോപാർക്ക് എസ്.ഐക്കെതിരെ ഗുരുതര ആരോപണങ്ങളാണ് ഉയരുന്നത്. മർദനമേറ്റ അഭിലാഷിനെ കാക്കനാട് സഹകരണ ആശുപത്രിയിൽ പ്രവേശിപ്പിച്ചു.

ഇന്ന് രാവിലെ 11:30-ഓടെയാണ് സംഭവം. കുടുംബ തർക്കത്തെത്തുടർന്ന് ഭാര്യ ജീന നൽകിയ പരാതിയിൽ സംസാരിക്കാനാണ് അഭിലാഷ് സ്റ്റേഷനിലെത്തിയത്. എസ്.ഐയുടെ ക്യാബിനിൽ സംസാരിച്ചുകൊണ്ടിരിക്കെ, സിസിടിവി ക്യാമറകളില്ലാത്ത പ്രത്യേക മുറിയിലേക്ക് കൊണ്ടുപോയി ക്രൂരമായി മർദിക്കുകയായിരുന്നു. എസ്.ഐയുടെ മുറിയിൽ സംസാരിച്ചു നിൽക്കുമ്പോഴാണ് എന്നെ ക്യാമറയില്ലാത്ത മുറിയിലേക്ക് മാറ്റിയത്. അവിടെ വെച്ച് ക്രൂരമായി മർദിക്കുകയായിരുന്നുവെന്ന് പരുക്കേറ്റ യുവാവ് മൊഴി നൽകി.

നിലവിൽ യുവാവ് ആശുപത്രിയിൽ ചികിത്സയിൽ തുടരുകയാണ്. പൊലിസ് സ്റ്റേഷനുകൾക്കുള്ളിലെ ഇത്തരം മനുഷ്യാവകാശ ലംഘനങ്ങൾക്കെതിരെ വലിയ പ്രതിഷേധമാണ് ഉയരുന്നത്. സംഭവത്തിൽ ഉന്നത ഉദ്യോഗസ്ഥർക്ക് പരാതി നൽകാനൊരുങ്ങുകയാണ് യുവാവിന്റെ കുടുംബം.

A Dalit youth named Abhilash was reportedly brutally assaulted by a Sub-Inspector at the Infopark Police Station in Kakkanad. Abhilash had arrived at the station at 11:30 AM following a family-related complaint filed by his wife.