ന്യൂയോര്‍ക്ക്: 2026ലെ ലോകത്തെ ഏറ്റവും സ്വാധീനിച്ച 100 വ്യക്തികളുടെ പട്ടിക ടൈം മാഗസിന്‍ പുറത്തിറക്കി. മാര്‍പാപ്പ മുതല്‍ ന്യൂയോര്‍ക്ക് മേയര്‍ സൊഹ്‌റാന്‍ മംദാനി വരെ പട്ടികയിലുണ്ട്. അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്, ഇസ്‌റാഈല്‍ പ്രധാനമന്ത്രി നെതന്യാഹു തുടങ്ങിയവരും പട്ടികയില്‍ ഇടംപിടിച്ചു. 

ആഗോള രാഷ്ട്രീയ നേതാക്കള്‍ക്കൊപ്പം ഇന്ത്യയില്‍ നിന്നുള്ള മൂന്ന് പേരും പട്ടികയില്‍ ഇടംനേടി. ഗൂഗ്ള്‍ സി.ഇ.ഒ സുന്ദര്‍ പിച്ചൈ, ബോളിവുഡ് താരം രണ്‍ബീര്‍ കപൂര്‍, പ്രശസ്ത ഷെഫ് വികാസ് ഖന്ന എന്നിവരാണ് ഇന്ത്യയില്‍ നിന്നുള്ള മൂന്ന് പേര്‍.

ALSO READ: മൊസാദ് ചാരശൃംഖല തകർത്ത് ഇറാൻ; നാലുപേർ പിടിയിൽ

ചൈനീസ് പ്രസിഡന്റ് ഷീ ജിന്‍പിംഗ്, യു.എസ് സ്റ്റേറ്റ് സെക്രട്ടറി മാര്‍ക്കോ റൂബിയോ, കനേഡിയന്‍ പ്രധാനമന്ത്രി മാര്‍ക്ക് കാര്‍ണി, മെക്‌സിക്കന്‍ പ്രസിഡന്റ് ക്ലോഡിയ ഷെയിന്‍ബോം, ജപ്പാനിലെ ആദ്യ വനിതാ പ്രധാനമന്ത്രി സനേ തകായിച്ചി, പോപ്പ് ലിയോ പതിനാലാമന്‍, യുഎസ് പ്രത്യേക ദൂതന്‍ സ്റ്റീവ് വിറ്റ്‌കോഫ് തുടങ്ങിയവരാണ് പട്ടികയില്‍ ഇടം നേടിയ മറ്റ്  ആഗോള നേതാക്കള്‍. പുതുതായി തെരഞ്ഞെടുക്കപ്പെട്ട നേതാക്കളും പട്ടികയിലുണ്ട്. ഇന്ത്യയുടെ അയല്‍രാജ്യങ്ങളില്‍ നിന്ന് നേപ്പാളിലെ ബാലന്‍ ഷാ, ബംഗ്ലാദേശിലെ താരിഖ് റഹ്‌മാന്‍ എന്നിവരാണത്. 

ALSO READ: റഷ്യൻ-ഇറാൻ എണ്ണ ഇറക്കുമതി: ഇന്ത്യക്കുള്ള ഇളവുകൾ റദ്ദാക്കി അമേരിക്ക; രാജ്യത്ത് ഇന്ധനവില കുതിച്ചുയരുമോ?

ആര്‍ട്ടിഫിഷ്യല്‍ ഇന്റലിജന്‍സ് സാധാരണക്കാരിലേക്ക് എത്തിക്കുന്നതില്‍ നല്‍കിയ നേതൃത്വത്തിനാണ് സുന്ദര്‍ പിച്ചൈക്ക് അംഗീകാരം.   2015ല്‍ ഗൂഗ്ള്‍ സി.ഇ.ഒ ആയത് മുതല്‍ കോടിക്കണക്കിന് ആളുകള്‍ ഉപയോഗിക്കുന്ന ഉല്‍പ്പന്നങ്ങളിലേക്ക് ഗവേഷണങ്ങളെ മാറ്റാന്‍ അദ്ദേഹത്തിന് സാധിച്ചുവെന്ന്  ടൈം മാഗസിന്‍ പ്രകീര്‍ത്തിച്ചു.  പാരമ്പര്യത്തിന് പിന്നാലെ പോകുന്നവരല്ല, മറിച്ച് സ്വന്തം കലയിലൂടെ പാരമ്പര്യം സൃഷ്ടിക്കുന്ന നടനാണ് രണ്‍ബീറെന്ന് അദ്ദേഹത്തിന്റെ പ്രൊഫൈല്‍ തയാറാക്കിയ ഖുറാന നടന്‍ ആയുഷ്മാന്‍ കുറിച്ചു. പ്രകടനം കൊണ്ട് വിസ്മയിപ്പിക്കുന്ന താരം എന്നും അദ്ദേഹം രണ്ബീറിനെ വിശേഷിപ്പിച്ചു. 

time magazine releases its 2026 list of the world’s 100 most influential people.  featuring global leaders like donald trump and xi jinping along with india’s sundar pichai, ranbir kapoor and chef vikas khanna.