കൊച്ചി: അഞ്ചരക്കണ്ടി ഡെന്റല്‍ കോളജ് വിദ്യാര്‍ഥി നിതിന്‍ രാജിന്റെ ആത്മഹത്യയുമായി ബന്ധപ്പെട്ട കേസില്‍ മുന്‍കൂര്‍ ജാമ്യം തള്ളിയതിനെതിരെ ഒന്നാം പ്രതി ഡെന്റല്‍ കോളജ് പാതോളജി വിഭാഗം മുന്‍ തലവന്‍ ഡോ. എം.കെ റാം ഹൈക്കോടതിയിലേക്ക്. തലശേരി ജില്ലാ സെഷന്‍സ് കോടതി ഇന്നലെ റാമിന്റെ മുന്‍കൂര്‍ ജാമ്യാപേക്ഷ തള്ളിയിരുന്നു. ഇതിന് പിന്നാലെയാണ് ഹൈക്കോടതിയെ സമീപിക്കാനൊരുങ്ങുന്നത്. 

അതേസമയം, രണ്ടാം പ്രതി ഓറല്‍ പാതോളജി വിഭാഗം അസോസിയേറ്റ് പ്രൊഫ. ഡോ. കെ.ടി സംഗീത നമ്പ്യാര്‍ക്ക് ഉപാധികളോടെ കോടതി ജാമ്യം അനുവദിച്ചിരുന്നു. 

ഒന്നാംപ്രതി റാം നിരന്തരം നിതിന്‍ രാജിനെതിരേ ജാത്യധിക്ഷേപം നടത്തിയെന്നാണ് പ്രോസിക്യൂഷന്‍ വാദം. ജാതി അതിക്ഷേപത്തില്‍ മനംനൊന്താണ് നിതിന്‍ കോളജ് കെട്ടിടത്തിന്റെ മുകളില്‍നിന്ന് ചാടിയതെന്ന് പ്രോസിക്യൂഷന്‍ വാദിച്ചിരുന്നു. സംഭവ ദിവസം രണ്ടാം പ്രതി ഡോ. കെ.ടി സംഗീത കോളജിലുണ്ടായിരുന്നില്ല. സംഗീതയ്ക്കു വേണ്ടി ഹാജരായ അഭിഭാഷകന്‍ സംഗീത യാത്ര ചെയ്ത ട്രെയിന്‍ ടിക്കറ്റ് ഉള്‍പ്പെടെ കോടതിയില്‍ സമര്‍പ്പിച്ചിരുന്നു. എന്നാല്‍, സംഭവദിവസവും നിതിനെ റാം മാനസികമായി പീഡിപ്പിച്ചെന്നാണ് പ്രോസിക്യൂഷന്‍ വാദം.

പ്രതിചേര്‍ക്കപ്പെട്ട ദിവസം മുതല്‍ ഇരുവരും ഒളിവിലായിരുന്നു.ജാതിയധിക്ഷേപ വകുപ്പില്‍ നിന്ന് ഒഴിവാക്കാന്‍ താനും പട്ടിക വര്‍ഗക്കാരനാണെന്ന സര്‍ട്ടിഫിക്കറ്റ് ഡോ.റാം മുന്‍കൂര്‍ ജാമ്യ ഹരജിക്കൊപ്പം ഹാജരാക്കായിരുന്നു. എന്നാല്‍ റാം ജനിച്ച ബജേന്ത്ര സമുദായം കര്‍ണാടകയിലെ പട്ടികവര്‍ഗ വിഭാഗമല്ലെന്നും ഒ.ബി.സി വിഭാഗത്തില്‍ ഉള്‍പെട്ടതാണെന്നും തെളിവുകള്‍ സഹിതം പ്രോസിക്യൂഷന്‍ കോടയില്‍ സമര്‍പ്പിച്ചു.

Following the controversial death of Nithin Raj, the accused, Dr. Ram, has moved the Kerala High Court seeking anticipatory bail. The case, which has garnered significant public attention, involves allegations of medical negligence.