വാഷിങ്ടണ്‍: നാസ ഫെല്ലോഷിപ്പ് നേടിയ മെക്കല്‍ എന്‍ജിനീര്‍ ആണ് യു.എസ് പ്രസിഡന്റ് ഡൊണാള്‍ഡ് ട്രംപും പ്രഥമ വനിതയും പങ്കെടുത്ത അത്താഴവിരുന്നില്‍ വെടിയുതിര്‍ത്ത 31 കാരനായ കോള്‍ തോമസ് അല്ലെന്‍ എന്ന് റിപ്പോര്‍ട്ട്. കാലിഫോര്‍ണിയയിലെ ടോറന്‍സില്‍ നിന്നുള്ളതാണ് പിടിയിലായ 31കാരന്‍. ലിങ്ക് ഡിന്‍ ഉള്‍പെടെയുള്ള സോഷ്യല്‍ മീഡിയ പ്രൊഫൈലില്‍ നിന്നുള്ളതാണ് വിവരങ്ങള്‍. അതേസമയം, ഈ വിവരങ്ങള്‍ ഔദ്യോഗികമായി സ്ഥിരീകരിച്ചിട്ടില്ല.

2017 ല്‍ മെക്കാനിക്കലാണ് ഇയാള്‍ എഞ്ചിനീയറിങില്‍ ബിരുദം നേടിയതെന്ന് വിവരങ്ങള്‍ വ്യക്തമാക്കുന്നു. പിന്നീട് കാലിഫോര്‍ണിയ സ്റ്റേറ്റ് യൂണിവേഴ്‌സിറ്റി-ഡൊമിംഗ്വസ് ഹില്‍സില്‍ നിന്ന് കമ്പ്യൂട്ടര്‍ സയന്‍സില്‍ ബിരുദാനന്തര ബിരുദം നേടി. ഐ.ജെ.കെ കണ്‍ട്രോള്‍സില്‍ മെക്കാനിക്കല്‍ എഞ്ചിനീയറായും കാല്‍ടെക്കില്‍ ടീച്ചിങ് അസിസ്റ്റന്റ് എന്ന നിലയിലും ജോലിചെയ്തതായും പ്രൊഫൈലില്‍ രേഖപ്പെടുത്തിട്ടുണ്ട്. കോളജ് വിദ്യാര്‍ഥികള്‍ക്ക് ടെസ്റ്റുകള്‍ക്ക് തയാറെടുക്കുന്നതിനുളള സേവനങ്ങളും കൗണ്‍സിലിങ്ങും ഉള്‍പെടെ വാഗ്ദാനം ചെയ്യുന്ന  സി 2 എഡ്യൂക്കേഷന്‍ എന്ന സംരംഭത്തിന്റെ 
പാര്‍ട്ട് ടൈം അധ്യാപകനായും അലന്‍ പ്രവര്‍ത്തിച്ചിട്ടുണ്ട്. 

ALSO READ: വൈറ്റ്ഹൗസ് വെടിവെപ്പ്: അക്രമിയുടെ ഫോട്ടോ പുറത്തുവിട്ട് ട്രംപ് 

അലനെ അധ്യാപകനായി പരിചയപ്പെടുത്തുന്ന ഒരു പോസ്റ്റ് കമ്പനി അവരുടെ ഔദ്യോഗിക ഫേസ്ബുക്ക് പേജില്‍ 2014ല്‍ പങ്കു വെച്ചിട്ടുണ്ട്.  2014 ല്‍ നാസയുടെ ജെറ്റ് പ്രൊപ്പല്‍ഷന്‍ ലബോറട്ടറിയില്‍ ഒരു സമ്മര്‍ അണ്ടര്‍ ഗ്രാജുവേറ്റ് റിസര്‍ച്ച് ഫെലോഷിപ്പില്‍ അലന്‍ പങ്കെടുത്തിരുന്നതായും റിപ്പോര്‍ട്ടുകള്‍ പറയുന്നു. 

സ്റ്റീം പ്ലാറ്റ്ഫോമിനായി തന്മാത്രാ രസതന്ത്രത്തെ അടിസ്ഥാനമാക്കി ഒരു വീഡിയോ ഗെയിം വികസിപ്പിച്ചതായും അലന്‍ സോഷ്യല്‍ മീഡിയയില്‍ പോസ്റ്റ് ചെയ്തിട്ടുണ്ട്.  ഒരു പുതിയ 'ടോപ്പ്-ഡൗണ്‍ ഷൂട്ടര്‍' കോംബാറ്റ് ഗെയിം വികസിപ്പിക്കുന്നതിനായി അദ്ദേഹം പ്രവര്‍ത്തിക്കുന്നുണ്ടെന്ന് അലന്റേത് കരുതുന്ന ഒരു പോസ്റ്റില്‍ പറയുന്നു.

വൈറ്റ് ഹൗസില്‍ മാധ്യമപ്രവര്‍ത്തകര്‍ക്കായി ഒരുക്കിയ അത്താഴ വിരുന്നിനിടെയാണ് വെടിവെപ്പുണ്ടായത്. 

വെടിവെപ്പിലെ അക്രമിയുടെ ഫോട്ടോ യു.എസ് പ്രസിഡന്റ് ഡൊണാള്‍ഡ് ട്രംപ് തന്നെയാണ് പുറത്തു വിട്ടത്. തന്റെ സോഷ്യല്‍ മീഡിയ പ്ലാറ്റ്ഫോമായ 'ദ ട്രൂത്ത് സോഷ്യല്‍' വഴിയാണ് ട്രംപ് ചിത്രം പുറത്തുവിട്ടത്. സുരക്ഷ ഉദ്യോഗസ്ഥന്‍ കീഴ്പ്പെടുത്തി നിലത്തു കിടത്തിയ നിലയിലുള്ളതായിരുന്നു ട്രംപ് പുറത്തുവിട്ട് അക്രമിയുടെ ചിത്രം. സുരക്ഷ ചെക്ക് പോയിന്റിലൂടെ അക്രമി അതിക്രമിച്ചു കയറാന്‍ ശ്രമിക്കുന്നതിന്റെ വിഡിയോയും പുറത്തുവന്നിരുന്നു.

ALSO READ: വൈറ്റ്ഹൗസ് കറസ്‌പോണ്ടന്റ് വിരുന്നിനിടെ വെടിയൊച്ച; ട്രംപിനെ സംഭവ സ്ഥലത്തുനിന്ന് ഒഴിപ്പിച്ചു 

വെടിയൊച്ച കേട്ടയുടന്‍ തന്നെ സുരക്ഷാസേന ട്രംപിനെ സംഭവ സ്ഥലത്തുനിന്ന് ഒഴിപ്പിച്ചിരുന്നു. ഒരു സീക്രട്ട് സര്‍വിസ് ഏജന്റിന് വെടിയേറ്റതായാണ് റിപ്പോര്‍ട്ട്. അതേസമയം, പരുക്ക് ഗുരുതരമല്ല. 

പ്രതിയെ തിങ്കളാഴ്ച കോടതിയില്‍ ഹാജരാക്കുമെന്ന് പൊലിസ് വ്യക്തമാക്കി. 

a 31-year-old mechanical engineer and nasa fellowship participant is reportedly linked to the shooting at a white house dinner attended by donald trump. investigation is ongoing and details remain unconfirmed.