ചെന്നൈ: തമിഴക വെട്രി കഴകം (ടിവികെ) അധ്യക്ഷനും നടനുമായ വിജയ്‌ക്കെതിരെ ബാലാവകാശ കമ്മിഷനില്‍ പരാതി. രാഷ്ട്രീയ നേട്ടങ്ങള്‍ക്കായി കുട്ടികളെ ദുരുപയോഗം ചെയ്തുവെന്ന് ചൂണ്ടിക്കാട്ടി 'ചൈല്‍ഡ് റൈറ്റ്‌സ് വാച്ച്' എന്ന സംഘടനയാണ് പരാതി നല്‍കിയത്. തിരഞ്ഞെടുപ്പ് പ്രചാരണത്തിന്റെ മുന്‍നിരയില്‍ കുട്ടികളെ നിര്‍ത്തിയത് നിയമവിരുദ്ധമാണെന്ന് പരാതിയില്‍ പറയുന്നു.

രാഷ്ട്രീയ ലക്ഷ്യങ്ങള്‍ക്കായി കുട്ടികളെ കരുവാക്കുന്നത് അവരുടെ മാനസികാരോഗ്യത്തെ ബാധിക്കുമെന്നും ഇത്തരം പ്രവണതകള്‍ അംഗീകരിക്കാനാവില്ലെന്നും സംഘടന വ്യക്തമാക്കി. വിജയ്‌യോടുള്ള അമിതാരാധന മൂലം കുട്ടികള്‍ കരയുന്നതിന്റെയും ഭക്ഷണം നിരസിക്കുന്നതിന്റെയും ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചിരുന്നു.

കുട്ടികളുടെ ഇത്തരം വൈകാരിക പ്രകടനങ്ങളെ രാഷ്ട്രീയ മുതലെടുപ്പിനായി ഉപയോഗിക്കുന്നത് തടയണമെന്നും വിജയ്‌ക്കെതിരെ സ്വമേധയാ കേസെടുക്കണമെന്നും സംഘടന ആവശ്യപ്പെട്ടു. സംഭവത്തില്‍ വിജയ് പരസ്യമായി മാപ്പ് പറയണമെന്നും കുട്ടികള്‍ക്ക് വിദഗ്ധ കൗണ്‍സലിങ് ഉറപ്പാക്കണമെന്നുമാണ് പരാതിയിലെ പ്രധാന ആവശ്യം.

A complaint has been lodged with the Child Rights Commission against TVK leader and actor Vijay for allegedly exploiting children for political campaigning and emotional gain.