മനാമ: ബഹ്റൈൻ എയർപോർട്ട് സർവീസസ് സഊദി അറേബ്യയിൽ പ്രവർത്തനം ആരംഭിക്കാനുള്ള പദ്ധതികൾ പ്രഖ്യാപിച്ചു. ബഹ്റൈനിന് പുറത്തേക്ക് പ്രവർത്തനം വ്യാപിപ്പിച്ച് പ്രാദേശിക വിമാന സർവീസ് രംഗത്തെ ശക്തമായ സാന്നിധ്യമായി മാറുന്നതിനുള്ള നീക്കത്തിന്റെ ഭാഗമായാണ് തീരുമാനം.

സഊദിയിലും ഒമാനിലും വളർച്ചാ സാധ്യതകൾ തേടുന്ന ബഹ്റൈൻ എയർപോർട്ട് സർവീസസിന്റെ പ്രാദേശിക വികസന തന്ത്രത്തിന്റെ ഭാഗമാണ് പുതിയ സംരംഭം.

ഇതിലൂടെ കമ്പനിയുടെ സേവന മേഖല കൂടുതൽ കാര്യക്ഷമമാകും. സഊദി അറേബ്യയിലെ അതിവേഗ വളർച്ചയിലുള്ള വിമാനമേഖലയിൽ വലിയ സാധ്യതകളുണ്ടെന്ന് ബഹ്റൈൻ എയർപോർട്ട് സർവീസസ് ബോർഡ് ചെയർമാൻ നബീൽ ഖാലിദ് കാനൂ വ്യക്തമാക്കി. 

സഊദിയിലെ വിവിധ വിമാനത്താവളങ്ങളിൽ പ്രവർത്തനാവകാശങ്ങൾ നേടുന്നതിനും മേഖലയിലെ പ്രധാന പങ്കാളികളുമായി തന്ത്രപരമായ സഹകരണങ്ങൾ ശക്തിപ്പെടുത്തുന്നതിനുമായി  ബഹ്റൈൻ എയർപോർട്ട് സർവീസസ് നിലവിൽ ചർച്ചകൾ തുടരുകയാണെന്നും കമ്പനി അറിയിച്ചു.

Bahrain Airport Services (BAS) has announced plans to launch operations in Saudi Arabia as part of its regional expansion strategy. The new venture, BAS SAUDI, will operate from the Kingdom’s Eastern Province and provide ground handling services using the company’s expertise gained at Bahrain International Airport. BAS said the move supports its plans to expand across regional markets, including Oman, while strengthening its role as a leading aviation services provider in the Gulf region.