ന്യൂഡൽഹി: കേരളത്തിലെ മുഖ്യമന്ത്രി ചർച്ചകളെ പരിഹസിച്ച പ്രധാനമന്ത്രി നരേന്ദ്ര മോദിക്ക് കടുത്ത ഭാഷയിൽ മറുപടി നൽകി മുതിർന്ന കോൺഗ്രസ് നേതാവ് രമേശ് ചെന്നിത്തല. നാഗ്‌പൂരിലെ നിർദേശങ്ങളനുസരിച്ച് പ്രവർത്തിക്കുന്ന പാർട്ടിയല്ല കോൺഗ്രസെന്നും, ജനാധിപത്യപരമായ ചർച്ചകളിലൂടെയാണ് തീരുമാനങ്ങൾ എടുക്കുന്നതെന്നും അദ്ദേഹം തുറന്നടിച്ചു. 

സ്വന്തം വസതിയുള്ള ഡൽഹിയിൽ മുഖ്യമന്ത്രിയെ പ്രഖ്യാപിക്കാൻ 50 ദിവസം വേണ്ടിവന്ന ചരിത്രം പ്രധാനമന്ത്രിയാണ് തിരഞ്ഞെടുപ്പ് കഴിഞ്ഞ് അഞ്ച് ദിവസം തികയും മുൻപേ കോൺഗ്രസിനെ വിമർശിക്കുന്നതെന്ന് അദ്ദേഹം പറഞ്ഞു.

ALSO READ: അസമിനെ നയിക്കാൻ ഹിമന്ത തന്നെ; സത്യപ്രതിജ്ഞ 12-ന്; ചടങ്ങിൽ മോദിയും അമിത് ഷായും പങ്കെടുക്കും

മോദിയും അമിത് ഷായും മാത്രം തീരുമാനങ്ങൾ എടുക്കുന്ന രീതിയല്ല കോൺഗ്രസിന്റേതെന്ന് അദ്ദേഹം പറഞ്ഞു. കെപിസിസി അധ്യക്ഷൻ, പ്രതിപക്ഷ നേതാവ്, എഐസിസി ജനറൽ സെക്രട്ടറി കെ.സി. വേണുഗോപാൽ തുടങ്ങിയവർ ഹൈക്കമാൻഡുമായി വിശദമായ ചർച്ചകൾ പൂർത്തിയാക്കി. എംഎൽഎമാരുടെ അഭിപ്രായങ്ങൾ നിരീക്ഷകർ തേടിയിട്ടുണ്ട്. എത്രയും വേഗം മുഖ്യമന്ത്രിയെ പ്രഖ്യാപിക്കും ചെന്നിത്തല മാധ്യമങ്ങളോട് പറഞ്ഞു. അഞ്ച് വർഷത്തേക്ക് അഞ്ച് മുഖ്യമന്ത്രിമാർ വരട്ടെ എന്നായിരുന്നു കോൺ​ഗ്രസിലെ മുഖ്യമന്ത്രി ചർച്ചകളെ പ്രധാനമന്ത്രി പരിഹസിച്ചത്.