കൊച്ചി: കെ.എസ്.ആർ.ടി.സിയിൽ ജെൻഡർ ടിക്കറ്റിങ് സംവിധാനം ആരംഭിച്ചതോടെ സ്ത്രീകൾക്കായുള്ള സൗജന്യ യാത്രാ പദ്ധതിയെ കുറിച്ചുള്ള ചർച്ചകൾ സജീവമാണ്. എന്നാൽ പദ്ധതി നടപ്പാക്കുമ്പോൾ കെ.എസ്.ആർ.ടി.സിയുടെ നിലവിലെ സാമ്പത്തിക പ്രതിസന്ധിയും വരുമാന ഘടനയും ഒരുപോലെ പരിഗണിക്കേണ്ട സാഹചര്യമുള്ളതിനാൽ, കോർപറേഷനെ അധിക ബാധ്യതയിലേക്ക് തള്ളിക്കളയാത്ത പ്രായോഗിക മാതൃകകളാണ് ഇപ്പോൾ പ്രധാന ചർച്ചയാകുന്നത്.

ALSO READ: കേരളത്തിൽ വി.ഡി. സതീശൻ തരംഗം; എംഎൽഎമാരുടെ പിന്തുണയല്ല, ജനപിന്തുണ നോക്കണമെന്ന് ഹൈക്കമാൻഡിന്  പ്രത്യേക ഏജൻസി റിപ്പോർട്ട്

നിലവിൽ കെ.എസ്.ആർ.ടി.സി ഓർഡിനറി ബസുകൾ, ലിങ്ക് ബസുകൾ, ഫാസ്റ്റ് പാസഞ്ചർ, സൂപ്പർ ഫാസ്റ്റ്, പ്രീമിയം സർവിസുകൾ, എ.സി സീറ്റർ കം സ്ലീപ്പർ, എ.സി സ്ലീപ്പർ, എ.സി സീറ്റർ സർവിസുകൾ തുടങ്ങി വിവിധ വിഭാഗങ്ങളാണ് പ്രധാനമായും സർവിസ് നടത്തുന്നത്. ഇതിൽ ഏറ്റവും കൂടുതൽ ആശ്രയിക്കുന്നത് ഓർഡിനറി, ലിങ്ക്, ഫാസ്റ്റ് പാസഞ്ചർ വിഭാഗം സർവിസുകളെയാണ്.

അതേസമയം സൂപ്പർ ഫാസ്റ്റ്, പ്രീമിയം, എ.സി സർവിസുകൾ എന്നിവയാണ് കെ.എസ്.ആർ.ടി.സിയുടെ പ്രധാന വരുമാന സ്രോതസുകളിൽ പെടുന്നത്. അതിനാൽ ഓർഡിനറി, ലിങ്ക് ബസ്, ഫാസ്റ്റ് പാസഞ്ചർ സർവിസുകളിൽ മാത്രം സ്ത്രീകൾക്ക് സൗജന്യ യാത്ര അനുവദിക്കുകയും സൂപ്പർ ഫാസ്റ്റ്, പ്രീമിയം, എ.സി സീറ്റർ, എ.സി സ്ലീപ്പർ തുടങ്ങിയ സർവിസുകൾ നിലവിലെ നിരക്കിൽ തുടരുകയും ചെയ്യുന്ന മാതൃകയാണ് കൂടുതൽ പ്രായോഗികമെന്നാണ് ഗതാഗത മേഖലയിലുള്ളവരുടെ വിലയിരുത്തൽ.

ALSO READ: കേരളത്തിന്റെ അമരത്തേക്ക് കെ.സി? മുഖ്യമന്ത്രി പ്രഖ്യാപനം അന്തിമഘട്ടത്തിലേക്ക്; നടപടികൾ വേ​ഗത്തിലാക്കി ഹൈക്കമാൻഡ്

ഇത്തരം സംവിധാനം നടപ്പാക്കിയാൽ സാമ്പത്തികമായി പിന്നാേക്കംനിൽക്കുന്ന സ്ത്രീകൾക്കും വിദ്യാർഥിനികൾക്കും ദിവസേന ജോലി ആവശ്യങ്ങൾക്കായി യാത്ര ചെയ്യുന്നവർക്കും നേരിട്ട് ഗുണം ലഭിക്കുമെന്നാണ് വിലയിരുത്തൽ. അതേസമയം കെ.എസ്.ആർ.ടി.സിയുടെ പ്രധാന വരുമാന മേഖലകളെ വലിയ രീതിയിൽ ബാധിക്കാതിരിക്കാനും ഇതിലൂടെ സാധിക്കുമെന്നാണ് കരുതപ്പെടുന്നത്.

സംസ്ഥാനത്ത് നിലവിൽ ഏകദേശം 5000ൽ താഴെ കെ.എസ്.ആർ.ടി.സി ബസുകളാണ് വിവിധ വിഭാഗങ്ങളിലായി സർവിസ് നടത്തുന്നത്. ഈ ബസുകൾ 4500ഓളം റൂട്ടുകളിലായാണ് ഓടുന്നത്. ശരാശരി 3.54 ലക്ഷം യാത്രക്കാരാണ് ദിവസേന കെ.എസ്.ആർ.ടി.സി സർവിസുകളെ ആശ്രയിക്കുന്നത്. ഇതിൽ വലിയൊരു വിഭാഗം സ്ത്രീകളാണെന്നാണ് ജെൻഡർ ടിക്കറ്റിങ് വഴി ലഭിക്കുന്ന പ്രാഥമിക വിലയിരുത്തലുകൾ സൂചിപ്പിക്കുന്നത്.

തിരുവനന്തപുരം ജില്ലയിൽ മാത്രം ആയിരത്തിലധികം ബസുകളാണ് വിവിധ സർവിസുകളിലായി ഓടുന്നത്. കൊല്ലത്ത് 540ഓളം ബസുകളും എറണാകുളത്ത് 500ലധികം ബസുകളും സർവിസ് നടത്തുന്നുണ്ടെന്നാണ് ഏകദേശ കണക്ക്.
 
ഇതിനിടെ ജെൻഡർ ടിക്കറ്റിങ് സംവിധാനം വഴി സ്ത്രീ യാത്രക്കാരുടെ കൃത്യമായ കണക്ക്, കൂടുതൽ തിരക്കുള്ള റൂട്ടുകൾ, യാത്രാ സമയങ്ങൾ, ഏറ്റവും കൂടുതൽ സ്ത്രീകൾ ഉപയോഗിക്കുന്ന സർവിസുകൾ എന്നിവ സംബന്ധിച്ച വിശദമായ വിവരശേഖരണവും കോർപറേഷൻ ആരംഭിച്ചിട്ടുണ്ട്. ഭാവിയിൽ ഏത് റൂട്ടുകളിലാണ് കൂടുതൽ സർവിസുകൾ ആവശ്യമായത്, ഏത് സമയങ്ങളിലാണ് സ്ത്രീ യാത്രക്കാർ കൂടുതലുള്ളത് തുടങ്ങിയ കാര്യങ്ങളിൽ വ്യക്തമായ ഡാറ്റ ലഭിക്കുന്നതോടെ സർവിസ് പ്ലാനിങ്ങിലും മാറ്റം വരാനിടയുണ്ട്. സ്ത്രീ സുരക്ഷയും സ്ത്രീ ശാക്തീകരണവും മുൻനിർത്തി ചില പ്രത്യേക സർവിസുകൾ പൂർണമായും വനിതാ ജീവനക്കാർ കൈകാര്യം ചെയ്യുന്ന രീതിയിലുള്ള “വുമൺ ക്രൂ” സർവിസുകൾ വ്യാപകമാക്കാനും ചർച്ചകളുണ്ട്. 

This headline discusses the implementation of free bus travel for women and emphasizes the need for sustainable financial models. While the initiative aims for social empowerment, the focus is on ensuring these schemes are executed in a way that provides government subsidies or alternative revenue streams, rather than placing a heavy financial burden on the already struggling KSRTC (Kerala State Road Transport Corporation).