കൊച്ചി: 2026-ലെ നിയമസഭാ തെരഞ്ഞെടുപ്പിലെ യു.ഡി.എഫ് വിജയത്തിന് പിന്നാലെ കോൺഗ്രസിൽ മുഖ്യമന്ത്രി സ്ഥാനത്തെച്ചൊല്ലിയുള്ള പോര് പുതിയ വഴിത്തിരിവിലേക്ക്. എറണാകുളം പള്ളുരുത്തിയിൽ പ്രതിപക്ഷ നേതാവ് വി.ഡി. സതീശനെയും ഷാഫി പറമ്പിലിനെയും പിന്തുണച്ച് പ്രത്യക്ഷപ്പെട്ട ഫ്ലക്സ് ബോർഡുകളാണ് ഇപ്പോൾ രാഷ്ട്രീയ കേന്ദ്രങ്ങളിൽ ചർച്ചയാകുന്നത്.

‘വി.ഡി.എസ് കേരളം ഭരിക്കട്ടെ, ഷാഫി പറമ്പിൽ കോൺഗ്രസ് നയിക്കട്ടെ’ എന്ന വാചകമാണ് ഫ്ലക്സിൽ പ്രധാനമായും ഇടംപിടിച്ചിരിക്കുന്നത്. വി.ഡി. സതീശൻ മുഖ്യമന്ത്രി സ്ഥാനത്തേക്ക് വരണമെന്നും കെ.പി.സി.സി അധ്യക്ഷ സ്ഥാനത്തേക്ക് ഷാഫി പറമ്പിൽ എത്തണമെന്നുമാണ് ഒരു വിഭാഗം പ്രവർത്തകരുടെ ഈ നീക്കത്തിലൂടെ വ്യക്തമാകുന്നത്.

ALSO READ: 'ഗ്രൂപ്പ് കളി തൃക്കരിപ്പൂരിൽ വേണ്ട'; കെ.സി പക്ഷത്തോടുള്ള അടുപ്പത്തിൽ സന്ദീപ് വാര്യർക്കെതിരെ യുഡിഎഫ് പ്രവർത്തകർ

തെരഞ്ഞെടുപ്പ് വിജയത്തിന് പിന്നാലെ മുഖ്യമന്ത്രി സ്ഥാനത്തിനായി വി.ഡി. സതീശൻ, കെ.സി. വേണുഗോപാൽ, രമേശ് ചെന്നിത്തല എന്നിവരെ പിന്തുണയ്ക്കുന്നവർ വെവ്വേറെ ഫ്ലക്സുകൾ ഉയർത്തിയിരുന്നു. ഇതിനിടെ സതീശനെയും ഷാഫിയെയും ഒരുമിച്ച് ഉയർത്തിക്കാട്ടിയുള്ള പുതിയ ഫ്ലക്സ് ഗ്രൂപ്പ് സമവാക്യങ്ങളിൽ മാറ്റം വരുത്തുമോ എന്ന ഉറ്റുനോക്കലിലാണ് രാഷ്ട്രീയ നിരീക്ഷകർ.

മുഖ്യമന്ത്രി സ്ഥാനത്തെച്ചൊല്ലിയുള്ള പരസ്യമായ ചേരിതിരിവ് പാർട്ടിയുടെ വിജയശോഭ കെടുത്തുമെന്ന് വിലയിരുത്തി ഹൈക്കമാൻഡ് നേരത്തെ കർശന മുന്നറിയിപ്പ് നൽകിയിരുന്നു. ഇത്തരം പ്രകടനങ്ങളും ഫ്ലക്സ് യുദ്ധങ്ങളും ഉടനടി അവസാനിപ്പിക്കണമെന്ന കേന്ദ്ര നേതൃത്വത്തിന്റെ നിർദ്ദേശം നിലനിൽക്കെയാണ് പള്ളുരുത്തിയിൽ വീണ്ടും ഫ്ലക്സ് ഉയർന്നത്.

Following the UDF's victory in the 2026 Kerala Assembly elections, leadership posters have surfaced in Palluruthy, Kochi, amid a widening rift over the Chief Minister post. The flex boards promote a power-sharing formula: "Let VDS (V.D. Satheesan) rule Kerala and Shafi Parambil lead the Congress."