അബുദബി: ഉയർന്ന രക്തസമ്മർദ്ദം നിയന്ത്രിക്കുന്നതിൽ വിപ്ലവകരമായ മാറ്റത്തിന് തുടക്കമിട്ട് ആസ്ട്രസെനെക്കയുടെ മരുന്നായ 'ബാക്സ്ഫെൻഡി'ക്ക് (Baxfendi) അം​ഗീകാരം നൽകി യുഎഇ. സാധാരണ മരുന്നുകൾ നൽകിയിട്ടും രക്തസമ്മർദ്ദം കുറയാത്ത രോഗികൾക്കായി ഈ മരുന്നിന് അംഗീകാരം നൽകുന്ന ലോകത്തിലെ ആദ്യത്തെ രാജ്യമായി യുഎഇ മാറി.

എന്താണ് ഈ മരുന്നിന്റെ പ്രത്യേകത?

രക്തസമ്മർദ്ദം വർദ്ധിപ്പിക്കാൻ കാരണമാകുന്ന 'ആൽഡോസ്റ്റെറോൺ' (Aldosterone) എന്ന ഹോർമോണിന്റെ ഉത്പാദനത്തെ നിയന്ത്രിക്കുന്ന എൻസൈമുകളെ തടഞ്ഞുകൊണ്ടാണ് ഈ മരുന്ന് പ്രവർത്തിക്കുന്നത്. രക്താതിമർദ്ദത്തിന്റെ മൂലകാരണത്തെ തന്നെ ചികിത്സിക്കുന്ന രീതിയാണിതെന്ന് എമിറേറ്റ്സ് ഡ്രഗ് എസ്റ്റാബ്ലിഷ്‌മെന്റ് വ്യക്തമാക്കി. 1 മില്ലിഗ്രാം, 2 മില്ലിഗ്രാം അളവുകളിലാണ് ഈ ചികിത്സ ലഭ്യമാവുക.

BaxHTN, Bax24 എന്നീ ക്ലിനിക്കൽ പരീക്ഷണങ്ങളിൽ ഈ മരുന്ന് വലിയ വിജയം കൈവരിച്ചിരുന്നു. നിലവിലുള്ള ചികിത്സകൾക്കൊപ്പം ഈ മരുന്ന് കൂടി ഉൾപ്പെടുത്തുന്നത് രക്തസമ്മർദ്ദം ഗണ്യമായി കുറയ്ക്കാൻ സഹായിക്കുമെന്ന് പഠനങ്ങൾ തെളിയിക്കുന്നു.

യുഎഇയിലെ മുതിർന്നവരിൽ മൂന്നിൽ ഒരാൾക്ക് രക്തസമ്മർദ്ദം ബാധിക്കുന്നുണ്ടെന്നാണ് കണക്കുകൾ. ഇത്തരം രോഗികൾക്ക് പുതിയ മരുന്ന് വലിയ ആശ്വാസമാകുമെന്ന് ആസ്ട്രാസെനെക്ക ഗൾഫ് പ്രസിഡന്റ് സമേഹ് എൽ ഫാൻഗറി പറഞ്ഞു. നൂതനമായ മെഡിക്കൽ പരിഹാരങ്ങൾ ലോകത്തിന് മുൻപേ പൗരന്മാർക്ക് ലഭ്യമാക്കുക എന്ന യുഎഇയുടെ ആരോഗ്യ നയത്തിന്റെ ഭാഗമായാണ് ഈ വേഗത്തിലുള്ള അംഗീകാരം.

ALSO READ: ഷാർജയിലെ സ്വകാര്യ സ്കൂളുകൾക്ക് പത്ത് ദിവസത്തെ വലിയ പെരുന്നാൾ അവധി പ്രഖ്യാപിച്ചു

ALSO READ: 'ഭരണാധികാരിയല്ല, സ്നേഹനിധിയായ പിതാവ്'; ജനഹൃദയങ്ങൾ കീഴടക്കി യുഎഇ പ്രസിഡന്റിന്റെ ഇടപെടൽ

ALSO READ: ബിസിനസ് പരാജയം ക്രിമിനൽ കുറ്റമല്ല; 1.6 മില്യൺ ദിർഹത്തിന്റെ തർക്കത്തിൽ നിക്ഷേപകനെ കുറ്റവിമുക്തനാക്കി ദുബൈ കോടതി

The UAE has become the first country to approve AstraZeneca’s Baxxfendi, a new treatment for uncontrolled hypertension. The approval marks a major step in cardiovascular care, offering patients a new option for managing high blood pressure.