തിരുവനന്തപുരം: വി.ഡി സതീശൻ സർക്കാരിന് അഭിനന്ദനം അറിയിച്ച് മുൻ മുഖ്യമന്ത്രി പിണറായി വിജയൻ. പുതിയ സർക്കാരിന് ആശംസയർപ്പിച്ച അദ്ദേഹം ക്രിയാത്മക പിന്തുണ ഉറപ്പ് നൽകുമെന്നും അറിയിച്ചു. എൽഡിഎഫ് സർക്കാർ കൊണ്ടുവന്ന ജനകീയ പദ്ധതികൾ പുതിയ സർക്കാർ മുന്നോട്ട് കൊണ്ടുപോകുമെന്നാണ് പ്രതീക്ഷയെന്നും അദ്ദേഹം ഫേസ്ബുക്കിൽ കുറിച്ചു.  

കുറിപ്പിന്റെ പൂർണരൂപം

കേരളത്തിന്റെ പതിമൂന്നാമത് മുഖ്യമന്ത്രിയായി സ്ഥാനമേറ്റ ശ്രീ വി.ഡി. സതീശനും അദ്ദേഹത്തിന്റെ നേതൃത്വത്തിലുള്ള മന്ത്രിസഭയ്ക്കും അഭിനന്ദനങ്ങൾ. മുൻ സർക്കാരുകൾ ആരംഭിക്കുകയും പിന്തുടരുകയും ചെയ്ത ജനകീയ പദ്ധതികളും ക്ഷേമപ്രവർത്തനങ്ങളും പുതിയ സർക്കാർ മുന്നോട്ടുകൊണ്ടുപോകുമെന്ന് പ്രത്യാശിക്കുന്നു. അത്തരം ഇടപെടലുകൾക്ക് ക്രിയാത്മകമായ പിന്തുണ ഉറപ്പ് നൽകുന്നു.

അതേസമയം വി.ഡി സതീശൻ കേരളത്തിന്റെ പതിമൂന്നാമത് മുഖ്യമന്ത്രിയായി ഇന്ന് സത്യപ്രതിജ്ഞ ചെയ്ത് അധികാരമേറ്റു. തിരുവനന്തപുരം സെൻട്രൽ സ്റ്റേഡിയത്തിൽ നടന്ന പ്രൗഢ​ഗംഭീരമായ ചടങ്ങിൽ 20 മന്ത്രിമാരും സത്യവാചകം ചൊല്ലി അധികാരമേറ്റു.

former chief minister pinarayi vijayan congratulated the v.d. satheesan government