കോഴിക്കോട്: ലഹരി പരിശോധനകള്‍ കര്‍ശനമാക്കേണ്ട സാഹചര്യത്തില്‍ വാഹനങ്ങളുടെ അഭാവം കോഴിക്കോട് ജില്ലയിലെ എക്‌സൈസ് വകുപ്പിന് വലിയ തിരിച്ചടിയാകുന്നു. ജില്ലയിലെ ഒന്‍പത് എക്‌സൈസ് റേഞ്ച് ഓഫീസുകളില്‍ അഞ്ചിടങ്ങളിലും ഔദ്യോഗിക വാഹനങ്ങളില്ല. ഇതോടെ ലഹരിവേട്ടയ്ക്കും പരിശോധനകള്‍ക്കുമായി ഉദ്യോഗസ്ഥര്‍ പ്രധാനമായും ആശ്രയിക്കുന്നത് സര്‍ക്കാര്‍ നല്‍കിയ ഇരുചക്ര വാഹനങ്ങളെയാണ്.

കോഴിക്കോട്, കുന്ദമംഗലം, നാദാപുരം, താമരശ്ശേരി, ചേളന്നൂര്‍ എക്‌സൈസ് റേഞ്ച് ഓഫീസുകളിലാണ് ജീപ്പോ മറ്റ് വാഹനങ്ങളോ ഇല്ലാത്തത്. കൂടാതെ, കണ്ണൂര്‍ അതിര്‍ത്തിയിലെ അഴിയൂര്‍ എക്‌സൈസ് ചെക്ക്‌പോസ്റ്റിലും വാഹനമില്ല. ഇവിടെ വാഹനമില്ലാത്ത സ്ഥിതി ഒരു വര്‍ഷത്തിലേറെയായി തുടരുകയാണ്.

ALSO READ: കരിപ്പൂര്‍ സ്വര്‍ണക്കടത്ത്: 'കസ്റ്റംസിന്റെ ഒത്താശയോടെ, പ്രതിയുടെ മൊഴി വിവാദത്തില്‍

വാഹനങ്ങളുടെ കുറവ് കാരണം പ്രധാന കുറ്റകൃത്യങ്ങള്‍ നടക്കുന്ന സ്ഥലങ്ങളിലേക്ക് സമയബന്ധിതമായി എത്താന്‍ ഉദ്യോഗസ്ഥര്‍ക്ക് കഴിയുന്നില്ല. ഇതോടെ പരിശോധനകളും ലഹരിവേട്ടയും കാര്യക്ഷമമായി നടത്താന്‍ എക്‌സൈസിന് ബുദ്ധിമുട്ട് നേരിടുകയാണ്.

വടകര, ബാലുശ്ശേരി, കൊയിലാണ്ടി റേഞ്ച് ഓഫീസുകളിലെ വാഹനങ്ങളാണ് ആഴ്ചയില്‍ രണ്ട് ദിവസം മറ്റ് റേഞ്ചുകള്‍ക്ക് കടം വാങ്ങി ഉപയോഗിക്കുന്നത്. എന്നാല്‍ ഈ സമയത്ത് വാഹനങ്ങള്‍ നല്‍കിയ റേഞ്ചുകളിലെ പ്രവര്‍ത്തനങ്ങളും ബാധിക്കപ്പെടുന്നുണ്ട്.

കുറ്റകൃത്യം നടന്ന സ്ഥലത്തേക്ക് മറ്റൊരു വാഹനം ഒരുക്കി ഉദ്യോഗസ്ഥര്‍ എത്തുമ്പോഴേക്കും പ്രതികള്‍ പലപ്പോഴും സംസ്ഥാന അതിര്‍ത്തി കടന്ന് രക്ഷപ്പെടുന്നതും പതിവാണെന്ന് ഉദ്യോഗസ്ഥര്‍ പറയുന്നു.

ജില്ലയില്‍ ലഹരിക്കേസുകള്‍ ദിനംപ്രതി വര്‍ധിച്ചുവരുന്ന സാഹചര്യത്തില്‍ വാഹനങ്ങളുടെ അഭാവം എക്‌സൈസ് വകുപ്പിന്റെ പ്രവര്‍ത്തനത്തെ സാരമായി ബാധിക്കുന്നുവെന്നാണ് വിലയിരുത്തല്‍.

At a time when drug checks need to be tightened, the lack of vehicles is a major setback for the Excise Department in Kozhikode district. Five out of the nine Excise Range Offices in the district do not have official vehicles.