ദോഫാർ: പാരമ്പര്യമായി കണ്ടുവരുന്ന രക്തരോഗങ്ങളെക്കുറിച്ച് അവബോധം വളർത്താൻ ലക്ഷ്യമിട്ട് ഒമാൻ ഹെറിഡിറ്ററി ബ്ലഡ് ഡിസോർഡേഴ്സ് അസോസിയേഷൻ പ്രത്യേക ബോധവൽക്കരണ സെമിനാർ സംഘടിപ്പിച്ചു. ദോഫാർ ഗവർണറേറ്റിലെ വിലായത്തു ഒഫ് താഖയിൽ, താഖ വാലി ഓഫിസിന്റെ സഹകരണത്തോടെയായിരുന്നു പരിപാടി. സിക്കിൾ സെൽ അനീമിയ, തലാസീമിയ തുടങ്ങിയ ഗുരുതരമായ പാരമ്പര്യ രക്തരോഗങ്ങളെക്കുറിച്ച് സമൂഹത്തെ ബോധവത്ക്കരിക്കുകയായിരുന്നു സെമിനാറിലൂടെ ലക്ഷ്യമിട്ടത്.

ALSO READ: ഒമാനിൽ നഗരാസൂത്രണത്തിനും കായിക മേഖലയ്ക്കും പുതിയ നിയമം; രാജകീയ ഉത്തരവുകളുമായി സുൽത്താൻ

 രോ​​ഗം മൂർച്ചിക്കുന്നതിന് മുമ്പ് തടയുക, രോ​ഗലക്ഷണങ്ങൾ വേ​ഗത്തിൽ കണ്ടെത്തുക തുടങ്ങിയവയുടെ പ്രാധാന്യം സെമിനാറിൽ അധികൃതർ ഊന്നിപറഞ്ഞു. രോ​ഗങ്ങളെക്കുറിച്ചുള്ള വിവിധ വർക്കിങ് പേപ്പറുകൾ സെമിനാറിൽ അവതരിപ്പിച്ചു. രോഗികൾക്ക് നൽകിവരുന്ന സേവനങ്ങളെക്കുറിച്ചും സമൂഹത്തിൽ അസോസിയേഷൻ നടത്തുന്ന വിവിധ പദ്ധതികളെക്കുറിച്ചും ചടങ്ങിൽ വിശദീകരിച്ചു.

Oman Hereditary Blood Disorders Association hosts an awareness forum in Taqah, Dhofar, focusing on preventing diseases like sickle cell anemia and thalassemia.