കണ്ണൂര്‍: സംസ്ഥാനത്ത് പവര്‍ കട്ടുണ്ടാകില്ലെന്നും നിലവില്‍ അനുഭവപ്പെടുന്ന വൈദ്യുതി തടസങ്ങള്‍ പവര്‍ ഫെയിലിയറുകളും അറ്റകുറ്റപ്പണികളും മൂലമാണെന്നും വൈദ്യുതി മന്ത്രി സണ്ണി ജോസഫ്. പ്രശ്നങ്ങള്‍ പരിഹരിക്കാന്‍ നടപടികള്‍ പുരോഗമിക്കുകയാണെന്നും കുറച്ച് ദിവസം കൂടി ജനങ്ങള്‍ സഹകരിക്കണമെന്നും മന്ത്രി അഭ്യര്‍ത്ഥിച്ചു.

വായുവും ജലവും പോലെ മനുഷ്യജീവിതത്തിന് അനിവാര്യ ഘടകമാണ് വൈദ്യുതിയെന്നും ഈ മേഖലയിലെ വിവിധ വിഷയങ്ങള്‍ പഠിച്ചുവരികയാണെന്നും സണ്ണി ജോസഫ് പറഞ്ഞു. മുന്‍ മന്ത്രിമാരുമായും ഉദ്യോഗസ്ഥരുമായും ചര്‍ച്ച നടത്തി പരിഹാര മാര്‍ഗങ്ങള്‍ കണ്ടെത്തുമെന്നും മന്ത്രി കൂട്ടിച്ചേര്‍ത്തു.

മന്ത്രിയായി സത്യപ്രതിജ്ഞ ചെയ്തശേഷം ആദ്യമായി കണ്ണൂരിലെത്തിയ സണ്ണി ജോസഫ് കണ്ണൂര്‍ പ്രസ്സ് ക്ലബ്ബ് സംഘടിപ്പിച്ച 'മീറ്റ് ദി പ്രസ്സ്' പരിപാടിയില്‍ സംസാരിക്കുകയായിരുന്നു. പരിപാടിയില്‍ ഡി.സി.സി പ്രസിഡന്റ് അഡ്വ. മാര്‍ട്ടിന്‍ ജോര്‍ജും പങ്കെടുത്തു.

ബജറ്റില്‍ പ്രഖ്യാപിച്ച പദ്ധതികള്‍ക്ക് തുടര്‍നടപടികള്‍ ഉണ്ടാകുമെന്ന് മന്ത്രി ബിന്ദു കൃഷ്ണ അറിയിച്ചു. കൊല്ലത്ത് നിലച്ചുപോയ പദ്ധതികള്‍ റിവ്യൂ ചെയ്യുമെന്നും മെഡിക്കല്‍ കോളജുകളിലെ പ്രശ്നങ്ങള്‍ ആരോഗ്യ വകുപ്പ് മന്ത്രിയുടെ ശ്രദ്ധയില്‍പ്പെടുത്തുമെന്നും അവര്‍ പറഞ്ഞു.

സ്ത്രീകള്‍ക്കെതിരായ അതിക്രമങ്ങളില്‍ സര്‍ക്കാര്‍ സീറോ ടോളറന്‍സ് നയമാണ് സ്വീകരിക്കുന്നതെന്നും സ്ത്രീസുരക്ഷയ്ക്ക് പ്രത്യേക പ്രാധാന്യം നല്‍കുന്നുണ്ടെന്നും മന്ത്രി വ്യക്തമാക്കി. അംഗനവാടികളുടെ നിലവാരം ഉയര്‍ത്തുന്നതിനും കെട്ടിടങ്ങളുടെ അവസ്ഥ പരിശോധിക്കുന്നതിനുമായി സമിതി രൂപീകരിക്കുമെന്നും മന്ത്രി പറഞ്ഞു.

ക്ഷീരമേഖല നിലവില്‍ പ്രതിസന്ധി നേരിടുകയാണെന്നും പാല്‍വില വര്‍ധനയ്ക്ക് പകരം നൂതന മാര്‍ഗങ്ങള്‍ ആവിഷ്‌കരിക്കാന്‍ സര്‍ക്കാര്‍ ശ്രമിക്കുമെന്നും ബിന്ദു കൃഷ്ണ കൂട്ടിച്ചേര്‍ത്തു.

Kerala Minister Sunny Joseph clarified that there is no official power cut being implemented in the state. He stated that the temporary electricity interruptions being experienced in certain areas are due to maintenance and repair works. The minister assured the public that efforts are being made to complete the works quickly and restore uninterrupted power supply.