തിരുവനന്തപുരം: പ്രതിപക്ഷ നേതാവ് പിണറായി വിജയന്റെ വീട്ടിൽ ഇ.ഡി റെയ്ഡ്. മുൻ മുഖ്യമന്ത്രിയുടെ വസതിയിൽ ഇന്ന് പുലർച്ചയോടെയാണ് അന്വേഷണ സംഘമെത്തിയത്. തിരുവനന്തപുരത്തെ ബേക്കറി ജങ്ഷനിലെ വാടക വീട്ടിലാണ് റെയ്ഡ്. മാസപ്പടി കേസുമായി ബന്ധപ്പെട്ടാണ് റെയ്ഡ് എന്നാണ് സൂചന. 

ഒരേസമയം പത്തിടങ്ങളില്‍ റെയ്ഡ് നടക്കുന്നതായാണ് വിവരം. പിണറായിയുടെ കണ്ണൂരിലെ വീട്ടിലും, സിഎംആര്‍എല്‍ കൊച്ചി ഓഫീസിലും പരിശോധന നടക്കുന്നുണ്ട്. മുന്‍ മന്ത്രി മുഹമ്മദ് റിയാസിന്റെ കോഴിക്കോടിലെ വസതിയിലും, പിണറായി വിജയന്റെ മകള്‍ വീണയുടെ ബെംഗളൂരുവിലെ ഓഫീസിലും റെയ്ഡ് നടക്കുന്നുണ്ട്.

മാസപ്പടിക്കേസിലെ തുടര്‍നടപടികള്‍ അവസാനിപ്പിക്കണമെന്ന് ആവശ്യപ്പെട്ട് സിഎംആര്‍എല്‍ നല്‍കിയ ഹരജി കഴിഞ്ഞദിവസം ഹൈക്കോടതി തള്ളിയിരുന്നു. ഇതിന് പിന്നാലെയാണ് വ്യാപക റെയ്ഡ്. കേസില്‍ എസ്എഫ് ഐഒ നടത്തി വന്നിരുന്ന അന്വേഷണത്തിന് തുടര്‍ച്ചയായാണ് ഇഡി റെയ്ഡ്.