തിരുവനന്തപുരം: മാസപ്പടിക്കേസിലെ ഇഡി റെയ്ഡിനെ വിമര്‍ശിച്ച് മുന്‍ മന്ത്രിയും ബേപ്പൂര്‍ എംഎല്‍എയുമായ പിഎ മുഹമ്മദ് റിയാസ്. സംഘപരിവാറിന് മുന്നില്‍ കുമ്പിടില്ലെന്നും, അവസാന ശ്വാസംവരെ പോരാടുമെന്നും റിയാസ് ഫേസ്ബുക്കില്‍ കുറിച്ചു. കേസുമായി ബന്ധപ്പെട്ട് റിയാസിന്റെ കോഴിക്കോടുള്ള വസതിയിലും ഇഡി റെയ്ഡ് തുടരുകയാണ്.

അതേസമയം പിണറായി വിജയന്റെ തിരുവനന്തപുരത്തെ വാടക വീട്ടിലും, കണ്ണൂരിലെ വീട്ടിലും ഉള്‍പ്പെടെ പന്ത്രണ്ടോളം സ്ഥലങ്ങളില്‍ ഇഡി പരിശോധന തുടരുകയാണ്. കേസുമായി ബന്ധപ്പെട്ട് വീണ വിജയന്റെ മൊഴിയും രേഖപ്പെടുത്തി. സിഎംആര്‍എല്‍ എംഡി ശശിധരന്റെ വീട്ടിലും ഇഡി റെയ്ഡ് നടക്കുകയാണ്. കേസില്‍ അന്വേഷണം തുടരാമെന്ന് ഹൈക്കോടതി ഉത്തരവിട്ടതിന് പിന്നാലെയാണ് നടപടി.