തിരുവനന്തപുരം: പ്രതിപക്ഷ നേതാവ് പിണറായി വിജയന്റെ വീട്ടിലും മറ്റിടങ്ങളിലും നടന്ന റെയ്ഡ് മോദി-വിഡി ഡീലാണെന്ന ആരോപണത്തില്‍ പരിഹാസവുമായി മുഖ്യമന്ത്രി വി.ഡി സതീശന്‍. താന്‍ ആദ്യമായി മോദിയെ കണ്ടപ്പോള്‍  പിണറായിയുടെ വീട്ടില്‍ റെയ്ഡ് ചെയ്യണമെന്ന് പറഞ്ഞു. അതുകേട്ട പാടെ 12 ഇടങ്ങളില്‍ റെയ്ഡ് നടത്താന്‍ മോദി നിര്‍ദേശിക്കുകയായിരുന്നെന്ന് സതീശന്‍ പരിഹാസരൂപേണ പറഞ്ഞു. 

''ആദ്യമായാണ് നരേന്ദ്രമോദിയെ കാണുന്നത്. ഞാന്‍ ഉടനെ തന്നെ പറഞ്ഞു. പിണറായി വിജയന്റെ വീടൊന്ന് റെയ്ഡ് ചെയ്യണം,നാളെ ഇ.ഡിയെക്കൊണ്ട്.. അപ്പോ ഉടനെ മോദി ഫോണെടുത്ത് കുത്തി. എന്നിട്ട് പറഞ്ഞു, സതീശന്‍ വന്നിട്ട് ആദ്യമായിട്ടൊരു കാര്യം പറഞ്ഞതാ. നാളെ രാവിലെ കംപ്ലീറ്റ് സ്ഥലത്ത് റെയ്ഡ് ചെയ്യണം. അപ്പോ ഞാന്‍ പറഞ്ഞു, ഒരു സ്ഥലത്ത് പോരാ.. 12 സ്ഥലത്ത് റെയ്ഡ് ചെയ്യണം. സതീശന്‍ പറഞ്ഞത് 12 സ്ഥലത്ത് റെയ്ഡ് ചെയ്യാനാണ്. അങ്ങനെ 12 സ്ഥലത്ത് റെയ്ഡ് ചെയ്ത്.''- സതീശന്‍ പരിഹസിച്ചു. 

മുന്‍മന്ത്രിമാരായവര്‍ ഉള്‍പ്പടെയുള്ളവര്‍ മാധ്യമങ്ങളോട് ഇക്കാര്യം പറഞ്ഞത് കേട്ടപ്പോള്‍ ചിരിക്കണോ കരയണമോയെന്നറിയാത്ത അവസ്ഥയിലായി താനെന്നും എന്നാല്‍ ഒരിക്കലും മുന്‍ മുഖ്യമന്ത്രി പിണറായി വിജയന്‍ അത്തരമൊരു അഭിപ്രായം പറയില്ലെന്നും സതീശന്‍ പറഞ്ഞു.