കാസര്‍കോട്: പെരിയ ഇരട്ടക്കൊലക്കേസ് പ്രതികളുടെ താല്‍ക്കാലികമായി തടഞ്ഞു.നാല് പ്രതികളുടെ പരോളാണ് തടഞ്ഞിരിക്കുന്നത്. ആഭ്യന്തര വകുപ്പ് അന്വേഷണ റിപ്പോര്‍ട്ട് ലഭിക്കും വരെ പ്രതികളെ പുറത്തിറക്കില്ല. കേസില്‍ കൂട്ടപ്പരോള്‍ ഏറെ വിമര്‍ശനത്തിനിടയാക്കിയിരുന്നു. ഇതിന് പിന്നാലെയാണ് നടപടി.  ആറ് പ്രതികള്‍ പുറത്തിറങ്ങിയതിന് പിന്നാലെ കൂട്ട പരോള്‍ വിവാദമായിരുന്നു.  

കേസില്‍ പ്രതികള്‍ക്ക് പരോള്‍ അനുവദിച്ച സംഭവത്തില്‍ ആഭ്യന്തര വകുപ്പ് അഡീഷണല്‍ ചീഫ് സെക്രട്ടറി ബിശ്വനാഥ് സിന്‍ഹയോട് ആഭ്യന്തരവകുപ്പ് മന്ത്രി രമേശ് ചെന്നിത്തല റിപ്പോര്‍ട്ട് തേടിയിരുന്നു. പരോള്‍ അനുവദിച്ചതിലെ വസ്തുതകള്‍ സമഗ്രമായി അന്വേഷിക്കാന്‍ നിര്‍ദേശിക്കുകയും ചെയ്തു. റിപ്പോര്‍ട്ട് ലഭിച്ചശേഷം തുടര്‍നടപടി സ്വീകരിക്കുമെന്ന് രമേശ് ചെന്നിത്തല വ്യക്തമാക്കി.

ALSO READ: മട്ടന്നൂര്‍ ഷുഹൈബ് വധക്കേസ്: വിചാരണ സ്‌റ്റേ ചെയ്തു

പെരിയയില്‍ യൂത്ത് കോണ്‍ഗ്രസ് പ്രവര്‍ത്തകരായ കൃപേഷിനെയും ശരത് ലാലിനെയും കൊലപ്പെടുത്തിയ സി.പി.എം പ്രവര്‍ത്തകരായ പ്രതികള്‍ക്കാണ് പരോള്‍ അനുവദിച്ചിരുന്നത്. ഒന്നാംപ്രതി പെരിയ ലോക്കല്‍ കമ്മിറ്റി അംഗം പീതാംബരന്‍ ഉള്‍പ്പെടെയുള്ളവര്‍ ജയിലില്‍ നിന്ന് പുറത്തിറങ്ങുകയും ചെയ്തു. പ്രതികള്‍ക്ക് ചട്ടവിരുദ്ധമായാണ് പരോള്‍ അനുവദിച്ചതെന്നാണ് ആരോപണമുയര്‍ന്നു. ഒന്നാംപ്രതി പീതാംബരന് കഴിഞ്ഞ നാല് മാസത്തിനിടെ മൂന്നുതവണയും മറ്റ് പ്രതികള്‍ക്ക് രണ്ടുതവണ വീതവും പരോള്‍ അനുവദിച്ചിട്ടുണ്ടെന്നാണ് റിപ്പോര്‍ട്ട്. എല്‍.ഡി.എഫ് സര്‍ക്കാരിന്റെ കാലത്താണ് പ്രതികള്‍ക്ക് പരോള്‍ അനുവദിച്ചത്.

the temporary parole granted to four convicts in the periya twin murder case has been suspended pending an inquiry report. the decision comes after widespread criticism over the group parole granted to the accused convicted in the murder of youth congress workers kripesh and sarath lal.