റിയാദ്: ലോകത്തിലെ ഏറ്റവും വലിയ നഗര പാർക്കുകളിൽ ഒന്നായ റിയാദിലെ കിങ് സൽമാൻ പാർക്കിന്റെ പ്രധാന കൺട്രോൾ ഓഫിസിന്റെ നിർമ്മാണം പൂർത്തിയായി. സേവനങ്ങളുടെ കാര്യക്ഷമത വർധിപ്പിക്കുന്നതിന്റെ ഭാ​ഗമാണ് ഈ കേന്ദ്രം ഒരുക്കിയിരിക്കുന്നത്. 17.2 ചതുരശ്ര കിലോമീറ്ററിലധികം വിസ്തൃതിയിൽ വ്യാപിച്ചുകിടക്കുന്ന കിങ് സൽമാൻ പാർക്കിൽ നിരവധി സൗകര്യങ്ങളാണ് ഒരുക്കിയിരിക്കുന്നത്. സാംസ്കാരികം, വിനോദം, കായികം, വാണിജ്യം, താമസം തുടങ്ങിയ എല്ലാ മേഖലകളിലും സൗകര്യങ്ങൾ ഇവിടെ സജ്ജമാക്കിയിട്ടുണ്ട്. പാർക്കിന്റെ ഡിജിറ്റൽ പ്രവർത്തനങ്ങൾ ഏകോപിപ്പിക്കുന്നതിനുള്ള അത്യാധുനിക ഡാറ്റാ സെന്റർ ഇവിടെ ഒരുക്കിയിട്ടുണ്ട്. സുരക്ഷ, പരിപാടികൾ, ഗതാഗതം, പരിസ്ഥിതി സംവിധാനങ്ങൾ എന്നിവ നിയന്ത്രിക്കുന്നതിനായി നാല് പ്രത്യേക കൺട്രോൾ റൂമുകൾ ഇവിടെ പ്രവർത്തിക്കും.

ALSO READ: ലബനാനിൽ നിന്നുള്ള ഇറക്കുമതി വിലക്ക് നീക്കി സഊദി അറേബ്യ; നിർണായക ഉത്തരവുമായി മുഹമ്മദ് ബിൻ സൽമാൻ രാജകുമാരൻ

ഓപറേഷൻസ്, മെയിന്റനൻസ് വിഭാഗങ്ങളിലെ 350ലധികം ജീവനക്കാർക്കുള്ള ഓഫിസുകൾ, 1,700 ചതുരശ്ര മീറ്ററിലെ വർക്ക്‌ഷോപ്പുകൾ, 2,200 ചതുരശ്ര മീറ്ററിലധികം വിസ്തൃതിയുള്ള വെയർഹൗസ്, ലോജിസ്റ്റിക്സ് സെന്റർ എന്നിവയും ഇവിടത്തെ പ്രധാന പ്രത്യേകതകളാണ്. ഭാവിയിലെ ആവശ്യങ്ങൾക്കും വിപുലീകരണങ്ങൾക്കുമായി 4,000 ചതുരശ്ര മീറ്ററോളം വരുന്ന ഫ്ലെക്സിബിൾ സ്പേസും ഇവിടെ മാറ്റിവച്ചിട്ടുണ്ട്. പരിസ്ഥിതി സൗഹാർദവും ആധുനിക സാങ്കേതികവിദ്യയും കോർത്തിണക്കിയാണ് ഈ പുതിയ ഫെസിലിറ്റിയെന്ന് അധികൃതർ വ്യക്തമാക്കി.

Riyadh's King Salman Park launches its main digital hub and control rooms, featuring advanced tech and sustainable design across 35,000 sqm.