കുവൈത്ത് സിറ്റി: കുവൈത്ത് വ്യോമപാത വീണ്ടും തുറന്നതിനെ തുടർന്ന് എല്ലാ സർവിസുകളും പുനഃരാരംഭിച്ചതായി കുവൈത്ത് എയർവെയ്‌സ് അറിയിച്ചു. വ്യോമഗതാഗതം സാധാരണ നിലയിലേക്കെത്തിയ സാഹചര്യത്തിലാണ് പുതിയ തീരുമാനം. കമ്പനി അധികൃതരുടെ അറിയിപ്പുപ്രകാരം, നിർത്തിവെക്കപ്പെട്ടിരുന്ന വിമാന സർവിസുകൾ ഔദ്യോഗിക ഷെഡ്യൂൾ പ്രകാരം പുനഃക്രമീകരിച്ചിട്ടുണ്ടെന്നും വ്യാഴാഴ്ച മുതൽ (ജൂൺ 11) ബാധിതമായ വിമാനങ്ങൾ പ്രവർത്തനം ആരംഭിക്കുമെന്നും അറിയിച്ചു.

ALSO READ: കുവൈത്ത് വ്യോമപാത സാധാരണ നിലയിലേക്ക്; വിമാന സർവിസുകൾ പുനഃരാരംഭിച്ചു

യാത്രക്കാരുടെ സൗകര്യാർഥം ബാധിച്ചിരിക്കുന്ന ബുക്കിങുകൾ റദ്ദാക്കുകയോ മാറ്റങ്ങൾ വരുത്തുകയോ ചെയ്യുന്നതിന് അധിക ഫീസ് ഈടാക്കില്ലെന്നും കമ്പനി വ്യക്തമാക്കിയിട്ടുണ്ട്. എന്നാൽ ഈ ഇളവ് ഇന്നത്തെ സർവിസുകൾക്ക് മാത്രമാണ് ബാധകമെന്ന് അധികൃതർ കൂട്ടിച്ചേർത്തു. കസ്റ്റമർ സഹായത്തിനായി താഴെപ്പറയുന്ന നമ്പറുകളിൽ ബന്ധപ്പെടാമെന്നും അധികൃതർ അറിയിച്ചു. കുവൈത്തിനുള്ളിലുള്ളവർ 171, വിദേശത്ത് +965 24345555 (എക്സ്റ്റൻഷൻ 171), വാട്സ്ആപ്പ് +965 1802050. യാത്രക്കാരുടെ സഹകരണത്തിന് നന്ദി അറിയിച്ച കുവൈത്ത് എയർവെയ്‌സ്, യാത്രാ സുരക്ഷയും മികച്ച സേവനവും തുടർന്നും ഉറപ്പാക്കുമെന്ന് വ്യക്തമാക്കി.

Kuwait Airways resumes all inbound and outbound flights from June 11 as airspace reopens, waiving rebooking fees for affected passengers.