കോഴിക്കോട്: സമൂഹമാധ്യമത്തിലൂടെ അശ്ലീല പ്രദര്‍ശനവും സ്ത്രീവിരുദ്ധതയും നടത്തുന്നുവെന്ന പരാതിയില്‍ യൂട്യൂബറും വ്‌ലോഗറുമായ തൊപ്പി എന്ന പേരില്‍ അറിയപ്പെടുന്ന മുഹമ്മദ് നിഹാലിനും സംഘത്തിനുമെതിരെ അന്വേഷണത്തിന് ഉത്തരവിട്ട് ഡി.ജി.പി. അഡ്വ. ശ്രീജിത്ത് പെരുമനയുടെ പരാതിപ്രകാരമാണ് ഡി.ജി.പി റവാഡ ചന്ദ്രശേഖരന്‍ അന്വേഷണത്തിന് ഉത്തരവിട്ടത്. കേരള സംസ്ഥാന സൈബര്‍ ഓപ്പറേഷന്‍സ് പൊലിസ് സൂപ്രണ്ട് അങ്കിത് അശോകനാണ് അന്വേഷണ ചുമതല. 

പരസ്യമായി അശ്ലീല പ്രദര്‍ശനവും സത്രീ വിരുദ്ധതയും ക്രിമിനല്‍ കുറ്റങ്ങളും വിളിച്ചുപറയുന്നതായും വരുംതലമുറയുടെ ഭാവി തകര്‍ക്കുന്ന ഈ ക്രിമിനലുകള്‍ക്കെതിരെ മാതൃകാപരമായ നടപടികളുണ്ടായേ തീരുവെന്നും ശ്രീജിത്ത് പെരുമന പറഞ്ഞു. 

പോക്‌സോ കേസുകള്‍, നര്‍കോട്ടിക്, എംഡിഎംഎ ഉപയോഗം, മാനസികശാരീരിക പീഡനങ്ങള്‍, അശ്ലീല പ്രചാരണം, സൈബര്‍ കുറ്റകൃത്യങ്ങള്‍ തുടങ്ങിയ ആരോപണങ്ങളിലാണ് 'തൊപ്പി ഗ്യാങ്ങി'നെതിരെ അന്വേഷണം നടക്കുക. 

തൊപ്പിക്ക് പുറമെ ഷംസീര്‍, മമ്മു, ജാസി തുടങ്ങിയ തൊപ്പിയുടെ സംഘത്തിലെ മറ്റുള്ളവര്‍ക്കെതിരെയും പരാതികളുണ്ട്.

The Director General of Police (DGP) has ordered an investigation into the activities of the group popularly known as the "Thoppi Gang." The decision follows growing concerns and complaints regarding the group's alleged actions. Police authorities have been directed to conduct a detailed inquiry, gather evidence, and submit a report. Further action will be taken based on the findings of the investigation.