ലണ്ടൻ: ബ്രിട്ടനിൽ രണ്ട് ട്രെയിനുകൾ തമ്മിൽ കൂട്ടിയിടിച്ച് വൻ അപകടം. അപകടത്തിൽ ഒരാൾ മരിക്കുകയും അറുപതിലധികം പേർക്ക് പരുക്കേൽക്കുകയും ചെയ്തു. പരുക്കേറ്റവരിൽ 11 പേരുടെ നില അതീവ ഗുരുതരമാണെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ലണ്ടനിൽ നിന്നും ഏകദേശം 90 കിലോമീറ്റർ അകലെയുള്ള ബെഡ്‌ഫോഡിലാണ് അപകടം സംഭവിച്ചത്.

പ്രാദേശിക സമയം ഇന്നലെ വൈകുന്നേരം 5.15 ഓടെയായിരുന്നു അപകടം. സിഗ്നൽ സംവിധാനത്തിലുണ്ടായ തകരാറിനെ തുടർന്ന് നിർത്തിയിട്ടിരുന്ന ട്രെയിനിന് പിന്നിലേക്ക് മറ്റൊരു ട്രെയിൻ ഇടിച്ചുകയറുകയായിരുന്നു. സിഗ്നൽ തകരാർ ശ്രദ്ധയിൽപ്പെട്ടതിനെ തുടർന്ന് ലോക്കോ പൈലറ്റ് ട്രെയിൻ നിർത്തി പരിശോധിക്കുന്നതിനിടെയാണ് അതേ ട്രാക്കിലൂടെ വന്ന മറ്റൊരു ട്രെയിൻ പിന്നിൽ വന്നിടിച്ചത്. അപകടത്തിൽ മരിച്ചയാൾ ട്രെയിനിന്റെ ലോക്കോ പൈലറ്റ് ആണെന്നാണ് പ്രാഥമിക വിവരങ്ങൾ.

ALSO READ: മഞ്ചേരിയിൽ അപകടം: മർക്കസ് നോളജ് സിറ്റിയിലെ വിദ്യാർഥികൾ സഞ്ചരിച്ച ബസിലേക്ക് പിക്കപ്പ് വാൻ ഇടിച്ചുകയറി; നിരവധി വിദ്യാർഥികൾക്ക് പരുക്ക്

അപകടത്തെ തുടർന്ന് ഈ റൂട്ടിലുള്ള ട്രെയിൻ ഗതാഗതം പൂർണ്ണമായും തടസ്സപ്പെട്ടിരിക്കുകയാണ്. പരുക്കേറ്റവരെ സമീപത്തെ വിവിധ ആശുപത്രികളിൽ പ്രവേശിപ്പിച്ചു. സംഭവസ്ഥലത്ത് നിലവിൽ വിപുലമായ രീതിയിലുള്ള രക്ഷാപ്രവർത്തനം പുരോഗമിക്കുകയാണ്. അപകടത്തെക്കുറിച്ച് കൂടുതൽ വിവരങ്ങൾ ലഭ്യമാകുന്നതേയുള്ളൂവെന്ന് അധികൃതർ വ്യക്തമാക്കി.

two passenger trains operated by east midlands railway collided near bedford, north of london. the crash resulted in the tragic death of one of the train drivers. emergency services declared it a major incident, confirming that 89 passengers were injured, with 11 of them in critical condition. the accident caused severe disruptions and closures across major rail lines heading into london.