മുംബൈ: മുംബൈയില്‍ കനത്ത മഴ. മഴയെത്തുടര്‍ന്ന് മുംബൈ സബര്‍ബന്‍ റെയില്‍വേയുടെ ട്രാന്‍സ്-ഹാര്‍ബര്‍ ലൈനില്‍ ട്രെയിന്‍ സര്‍വീസുകള്‍ പൂര്‍ണ്ണമായും തടസ്സപ്പെട്ടു. താനെക്കും നവി മുംബൈക്കും ഇടയില്‍ യാത്ര ചെയ്യാനിറങ്ങിയ പതിനായിരക്കണക്കിന് ആളുകള്‍ ഇതേതുടര്‍ന്ന് വിവിധ സ്റ്റേഷനുകളില്‍ കുടുങ്ങിയിരിക്കുകയാണ്. തുര്‍ഭെ, കോപ്പര്‍ഖൈറാനെ സ്റ്റേഷനുകള്‍ക്കിടയിലെ റെയില്‍വേ ട്രാക്കിന് അടിയിലെ മണ്ണും മെറ്റലും മഴവെള്ളപ്പാച്ചിലില്‍ ഒലിച്ചുപോയി. ഇത് വന്‍ സുരക്ഷാ ഭീഷണിയുണ്ടാക്കിയിരിക്കുകയാണ്.

കനത്ത മഴയെപ്പോലും അവഗണിച്ച് റെയില്‍വേയുടെ എമര്‍ജന്‍സി എഞ്ചിനീയറിങ് വിഭാഗം ട്രാക്കുകള്‍ യുദ്ധകാലാടിസ്ഥാനത്തില്‍ പുനരുദ്ധരിക്കാനുള്ള ശ്രമങ്ങള്‍ ആരംഭിച്ചു. ട്രാക്കുകള്‍ താല്‍ക്കാലികമായി ശരിയാക്കിയെങ്കിലും ട്രെയിനുകള്‍ വളരെ പതുക്കെ മാത്രമാണ് ഈ ഭാഗത്തിലൂടെ കടന്നുപോകുന്നതെന്ന് റിപ്പോര്‍ട്ടുകള്‍ പറയുന്നു.  

ALSO READ: മയക്കുമരുന്ന് കടത്തിനെതിരെ സംയുക്ത പോരാട്ടം ശക്തമാക്കണം; അയല്‍ സംസ്ഥാന മുഖ്യമന്ത്രിമാര്‍ക്ക് കത്തയച്ച് കേരളം

പലയിടത്തും മരങ്ങള്‍ കടപുഴകി വീണതായി റിപ്പോര്‍ട്ടുകള്‍ പറയുന്നു. റോഡുകള്‍ വെള്ളം കയറി. 200 മില്ലിമീറ്ററിലധികം മഴാണ് ചൊവ്വാഴ്ച രേഖപ്പെടുത്തിയത്. സിറ്റിയുടെ ചില ഭാഗങ്ങള്‍ പൂര്‍ണമായും വെള്ളത്തിനടിയിലായതായി റിപ്പോര്‍ട്ടുകള്‍ പറയുന്നു. ഇടിമിന്നലോടു കൂടിയ മിതമായതോ ശക്തമായതോ ആയ മഴയ്ക്ക് സാധ്യതയുണ്ടെന്ന് മുന്നറിയിപ്പ് നല്‍കിക്കൊണ്ട് ഇന്ത്യന്‍ കാലാവസ്ഥാ വകുപ്പ് (IMD) നഗരത്തില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.

heavy rainfall in mumbai caused trees to uproot vehicles to be damaged and traffic movement to be severely affected across several areas