എറണാകുളം: കോതമംഗലത്ത് മുള്ളന്‍പന്നിയുടെ മാംസം വില്‍ക്കാന്‍ ശ്രമിച്ച രണ്ടുപേരെ വനം വകുപ്പ് അറസ്റ്റ് ചെയ്തു. ഇഞ്ചത്തൊട്ടി സ്വദേശി സുനില്‍, മാമലക്കണ്ടം സ്വദേശി രാജു പൊന്നപ്പന്‍ എന്നിവരാണ് പിടിയിലായത്.

നേര്യമംഗലം വനം റേഞ്ചിലെ ഇഞ്ചത്തൊട്ടി ഫോറസ്റ്റ് സ്റ്റേഷന്‍ പരിധിയിലുള്ള വനത്തില്‍ കെണിവെച്ചാണ് പ്രതികള്‍ മുള്ളന്‍പന്നിയെ പിടികൂടിയതെന്നാണ് വനം വകുപ്പിന്റെ കണ്ടെത്തല്‍. തുടര്‍ന്ന് മാംസം വില്‍പ്പന നടത്താനുള്ള ശ്രമത്തിനിടെയാണ് ഇരുവരും പിടിയിലായത്.

ALSO READ: 'നെടുമ്പാശേരി വിമാനത്താവളത്തിന് കെ. കരുണാകരന്റെ പേര് നല്‍കണം'; ആവശ്യവുമായി വി.എം. സുധീരന്‍ 

പ്രതികള്‍ക്കെതിരെ വന്യജീവി സംരക്ഷണ നിയമപ്രകാരം കേസെടുത്ത വനം വകുപ്പ് ഇവരെ കോതമംഗലം കോടതിയില്‍ ഹാജരാക്കി.

ഇഞ്ചത്തൊട്ടി ഫോറസ്റ്റ് സ്റ്റേഷനിലെ ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ ജി.ജി. സന്തോഷിന്റെ നേതൃത്വത്തില്‍ ഗ്രേഡ് ഡെപ്യൂട്ടി റേഞ്ച് ഓഫീസര്‍ ടി.എ. ഷാജി, എം. ദിലീപ് കുമാര്‍, രോഹിത് എം. രാജ്, മിഥുന്‍ എം.ജി., ഗൗതമി സതീശന്‍ എന്നിവരടങ്ങിയ സംഘമാണ് പ്രതികളെ പിടികൂടി തുടര്‍നടപടികള്‍ സ്വീകരിച്ചത്.

The Forest Department arrested two individuals in Kothamangalam for attempting to sell porcupine meat. The arrested persons are Sunil from Inchathotty and Raju Ponnappan from Mamalakkandam.