തിരുവനന്തപുരം: കേരളത്തിന് കിട്ടുമായിരുന്ന കരാര്‍ റദ്ദാക്കപ്പെട്ടതാണ് ഏറ്റവും വലിയ വൈദ്യുതി പ്രതിസന്ധിക്ക് കാരണമെന്ന് വൈദ്യുതി മന്ത്രി സണ്ണി ജോസഫ് പറഞ്ഞു.

''മണിയാശാന് ശിഷ്യപ്പെടാന്‍ ഉദ്ദേശിക്കുന്നില്ല. മുന്‍ സര്‍ക്കാറിന്റെ കാലഘട്ടത്തിലും വൈദ്യുതി നിയന്ത്രണം ഉണ്ടായിരുന്നു. ജലലഭ്യത കുറഞ്ഞതാണ് വൈദ്യുതി പ്രതിസന്ധിക്ക് ഒരു കാരണം. മഴ കുറഞ്ഞതോടെ ചൂട് വര്‍ധിച്ചു. ഇതിന്റെ ഭാഗമായി ഉപയോഗവും വര്‍ധിച്ചു. ഇത് രണ്ടുമാണ് പ്രധാന പ്രശ്‌നം. ഇത് പരിഹരിക്കാനുള്ള ശ്രമം തുടങ്ങി കഴിഞ്ഞു. കേരളത്തിന് 4.25 രൂപയ്ക്ക് കിട്ടുമായിരുന്ന ദീര്‍ഘകാല കരാര്‍ റദ്ദാക്കപ്പെട്ടിരുന്നു. പകല്‍ സമയത്ത് ധാരാളം വൈദ്യുതിയുണ്ട്. ഇത് സ്റ്റോര്‍ ചെയ്യാനുള്ള സംവിധാനമില്ല. ഇത് പാക്കേജ് ആയിട്ടാണ് ആണ് പുറത്ത് നിന്ന് വാങ്ങുന്നത്. പകല്‍ സമയത്ത് ആവശ്യമില്ലെങ്കിലും വാങ്ങേണ്ട സ്ഥിതിയാണ്. അല്ലെങ്കില്‍ രാത്രിയില്‍ കിട്ടില്ല.വേനല്‍കാലത്ത് കടം വാങ്ങിയ വൈദ്യുതിയുണ്ട്. ജൂണ്‍ 15 മുതല്‍ സെപ്റ്റംബര്‍ 15 വരെയുള്ള സമയകാലയളവില്‍ ഇത് തിരികെ നല്‍കണം. ഡി.വൈ.എഫ്.ഐ. സമരം ചെയ്യേണ്ടത് ദീര്‍ഘകാല കരാര്‍ റദ്ദാക്കിയ പിണറായി വിജയന്‍ സര്‍ക്കാറിന് എതിരെയാണ്'' - സണ്ണി ജോസഫ് പറഞ്ഞു. 

വൈദ്യുതി പ്രതിസന്ധി കാരണം സംസ്ഥാനത്ത് രാത്രി കാലങ്ങളില്‍ വൈദ്യുതി നിയന്ത്രണം കൊണ്ടുവന്നത് വലിയ രാഷ്ട്രീയ വിമര്‍ശനത്തിന് വഴിവെച്ചിരുന്നു. ഡി.വൈ.എഫ്.ഐ അടക്കമുള്ള യുവജന സംഘടനകള്‍ പ്രതിഷേധവുമായി മുന്നോട്ടു പോകുന്ന സാഹചര്യത്തിലാണ് മന്ത്രിയുടെ പ്രതികരണം.

Electricity Minister Sunny Joseph stated that the cancellation of a contract that Kerala was supposed to get is the biggest reason for the current electricity crisis."I have no intention of playing disciple to Mani Ashan (M.M. Mani). There were power restrictions during the tenure of the previous government as well.One reason for the electricity crisis is the low availability of water. With less rainfall, the heat increased.