തിരുവനന്തപുരം: ലോകകപ്പ് ഫുട്‌ബോള്‍ ഫൈനല്‍ കാണാന്‍ വൈദ്യുതി തടസമുണ്ടാകില്ലെന്ന് കെ.എസ്.ഇ.ബി. അറിയിച്ചു. ഇന്ന് വൈദ്യുതി നിയന്ത്രണം ഏര്‍പ്പെടുത്തില്ലെന്നും ആവശ്യമായാല്‍ കൂടുതല്‍ വില നല്‍കി വൈദ്യുതി വാങ്ങുമെന്നും കെ.എസ്.ഇ.ബി. വ്യക്തമാക്കി.

അര്‍ജന്റീനയും സ്‌പെയിനും തമ്മിലുള്ള ലോകകപ്പ് ഫൈനലിന്റെ ആവേശം മങ്ങാതിരിക്കാനാണ് അധിക ചെലവ് വഹിച്ചും വൈദ്യുതി ലഭ്യമാക്കാന്‍ തീരുമാനിച്ചതെന്ന് കെ.എസ്.ഇ.ബി. അറിയിച്ചു.

ALSO READ: 'വലത് കൈ ചെയ്യുന്നത് ഇടത് കൈ അറിയാന്‍ പാടില്ല'; ആശുപത്രിക്കകത്ത് രാഷ്ട്രീയത്തിന് വിലക്ക് ഏര്‍പ്പെടുത്തി കെ. മുരളീധരന്‍ https://www.suprabhaatham.com/details/467101?link=The-left-hand-should-not-know-what-the-right-hand-is-doing-K-Muraleedharan-bans-politics-within-the-hospital

അതേസമയം, സംസ്ഥാനത്ത് വൈദ്യുതി ഉപഭോഗം ഗണ്യമായി വര്‍ധിച്ചിട്ടുണ്ടെന്നും രാജ്യവ്യാപകമായി ആവശ്യകത ഉയര്‍ന്നതോടെ പവര്‍ എക്‌സ്‌ചേഞ്ചിലൂടെ ലഭിക്കുന്ന വൈദ്യുതിയുടെ ലഭ്യത കുറഞ്ഞിരിക്കുകയാണെന്നും വൈദ്യുതി വകുപ്പ് മന്ത്രി സണ്ണി ജോസഫ് നേരത്തെ അറിയിച്ചിരുന്നു. ഇതിനെ തുടര്‍ന്ന് ഇന്ന് ഭാഗിക വൈദ്യുതി നിയന്ത്രണത്തിന് സാധ്യതയുണ്ടെന്നായിരുന്നു മന്ത്രിയുടെ പ്രതികരണം. എന്നാല്‍ പിന്നീട് ആവശ്യമായ വൈദ്യുതി ലഭ്യമാക്കിയ സാഹചര്യത്തില്‍ ഇന്ന് നിയന്ത്രണം ഉണ്ടാകില്ലെന്ന് കെ.എസ്.ഇ.ബി. വ്യക്തമാക്കി. 

KSEB has announced that there will be no power interruptions for watching the FIFA World Cup final. KSEB clarified that there will be no electricity restrictions today, and if needed, they will purchase power at a higher price.