ഹൈദരാബാദ്: നഗ്നയായി ക്ഷേത്രത്തില്‍ പ്രവേശിച്ച യുവതി വിഗ്രഹവുമായി കുളത്തില്‍ ചാടി ആത്മഹത്യ ചെയ്തു. ബംഗളുരുവില്‍ ഐടി കമ്പനിയില്‍ ജോലി ചെയ്യുന്ന ഹൈദരാബാദില്‍ സോഫ്റ്റ് വെയര്‍ എന്‍ജിനീയറായ തേജസ്വിനി(25)യാണ് മരിച്ചത്.  

ഇപ്പോള്‍ അമ്മയോടൊപ്പം ഹൈദരാബാദിലാണ് തേജസ്വിനി താമസിച്ചിരുന്നത്.  കുളത്തില്‍നിന്ന് യുവതിയുടെ മൃതദേഹം കണ്ടെത്തിയെങ്കിലും വിഗ്രഹം കണ്ടെടുക്കാനായില്ലെന്ന് ദേശീയമാധ്യമമായ ഇന്ത്യാടുഡേ റിപ്പോര്‍ട്ട് ചെയ്തു.

ജുലൈ 17 ന്‌രാത്രിയായിരുന്നു സംഭവം. രാത്രിയില്‍ തേജസ്വിനി അമ്മയുടെ മുറി പൂട്ടിയശേഷം ക്ഷേത്രത്തിലെത്തുകയും വിവസ്ത്രയായ ശേഷം ക്ഷേത്രത്തിനുള്ളില്‍ കയറി അവിടെയുണ്ടായിരുന്ന 'അമ്മവാരു' ദേവിയുടെ വിഗ്രഹം കൈയ്യിലെടുത്ത് കുളത്തില്‍ ചാടുകയായിരുന്നു. 

വിഗ്രഹത്തിനായി തിരച്ചില്‍ തുടരുകയാണെന്നും ഇതിനായി പ്രത്യേകസംഘങ്ങളെ നിയോഗിച്ചതായും പൊലിസ് അറിയിച്ചു.

പ്രദേശത്തെ സി.സി.ടിവി ദൃശ്യങ്ങള്‍, സാക്ഷികളുടെ മൊഴികള്‍, ഫോറന്‍സിക് തെളിവുകള്‍ എന്നിവയെല്ലാം ശാസ്ത്രീയമായി വിശകലനം ചെയ്തുവരികയാണെന്നും മരണത്തിന്റെ യഥാര്‍ത്ഥ കാരണത്തെ കുറിച്ച് അന്തിമ നിഗമനങ്ങളില്‍ എത്തിച്ചേര്‍ന്നിട്ടില്ലെന്നും അന്വേഷണ ഉദ്യോഗസ്ഥര്‍ വ്യക്തമാക്കി.

A woman died by suicide after entering a temple and later jumping into a nearby pond, according to reports. Authorities said she had allegedly taken an idol from the temple before entering the water. While her body has been recovered, a search operation is underway to locate the missing idol.