കൂളിവയല്‍: സൈന്‍ പബ്ലിക് സ്‌കൂളില്‍ 'സ്‌നേഹ പൂര്‍വം സുപ്രഭാതം' പദ്ധതി ആരംഭിച്ചു. മഹല്ല് വൈസ് പ്രസിഡന്റ് കൊല്ലിയില്‍ കുഞ്ഞാലന്‍ ഹാജിയാണ് പത്രം സ്‌പോണ്‍സര്‍ ചെയ്തത്.
സ്‌കൂള്‍ പ്രൈംമിനിസ്റ്റര്‍ ഇന്‍ഷാം മുഹമ്മദ് ശുഐബിന് പത്രം നല്‍കി അബ്ദുല്ല ദാരിമി ഉദ്ഘാടനം ചെയ്തു. കെ.എ നാസര്‍ മൗലവി പദ്ധതി വിശദീകരിച്ചു. സി.കെ അബ്ദുല്‍ മജീദ് ദാരിമി, റാഷിദ് ഗസ്സാലി, കണ്ണോളി മുഹമ്മദ്, കെ.എം അബ്ദുല്ല, ഷാഹിദ് തിരുവള്ളൂര്‍, ബിഷര്‍ മാസ്റ്റര്‍, ശമീര്‍ ഗസ്സാലി സംബന്ധിച്ചു.
2013ല്‍ സാമൂഹിക ശാക്തീകരണ രംഗത്ത് ഗുണമേന്മയുള്ള സംവിധാനങ്ങള്‍ ശക്തിപ്പെടുത്തുക എന്ന ലക്ഷ്യമായാണ് സൈന്‍ ഫിലോസഫറിനു കീഴില്‍ സൈന്‍ പബ്ലിക് സ്‌കൂള്‍ കൂളിവയലില്‍ പ്രവര്‍ത്തനമാരംഭിച്ചത്.
പാണക്കാട് മുനവറലി ശിഹാബ് തങ്ങള്‍ ചെയര്‍മാനും റാഷിദ് ഗസ്സാലി എക്‌സിക്യുട്ടീവ് ഡയറക്ടറുമായ സൈന്‍ ഫിലോസഫറിനു കീഴില്‍ സൈന്‍ ഇന്‍സ്റ്റിറ്റ്യൂട്ട് ഓഫ് സോഷ്യല്‍ ലീഡര്‍ഷിപ്പ്, എച്ച്.ആര്‍.ഡി സെന്റര്‍ എന്നിവയും പ്രവര്‍ത്തിക്കുന്നുണ്ട്.