മുക്കം: മലയോര മേഖലയില്‍ ലഹരി മാഫിയക്കെതിരേ ബഹുജന കൂട്ടായ്മ രൂപീകരിക്കുന്നു. യു.പി സ്‌കൂള്‍ മുതല്‍ വിദ്യാര്‍ഥികളെ വലയിലാക്കുന്ന വന്‍ മാഫിയയാണു മേഖലയില്‍ പ്രവര്‍ത്തിക്കുന്നത്.
ആദ്യഘട്ടത്തില്‍ കൊടിയത്തൂര്‍, കാരശ്ശേരി പഞ്ചായത്തുകള്‍ കേന്ദ്രീകരിച്ചാണു കൂട്ടായ്മ രൂപീകരിക്കുന്നത്. കൊടിയത്തൂര്‍ കേന്ദ്രമായി പ്രവര്‍ത്തിക്കുന്ന 'ശ്രദ്ധ'യുടെ നേതൃത്വത്തിലാണ് ഇതിന്റെ പ്രവര്‍ത്തനങ്ങള്‍ നടക്കുന്നത്. കമ്മിറ്റി രൂപീകരണ യോഗം കൊടിയത്തൂര്‍ ജി.എം.യു.പി സ്‌കൂളില്‍ ഗ്രാമപഞ്ചായത്ത് പ്രസിഡന്റ് സി.ടി.സി അബ്ദുല്ല ഉദ്ഘാടനം ചെയ്തു. ബീരാന്‍കുട്ടി ചുങ്കത്ത് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് കെ.പി അബ്ദുറഹ്മാന്‍, അബൂബക്കര്‍, അബ്ദുസലാം, പി.സി നാസര്‍, കെ.സി അന്‍വര്‍, അന്‍വര്‍ സാദത്ത്, ഫസല്‍ ബാബു, രാജന്‍ മാവായി, ജി. അബ്ദുല്‍ റഷീദ് സംസാരിച്ചു.