കായംകുളം: കരുനാഗപ്പള്ളിക്ക് സമീപം ഗുഡ്‌സ് അപകടത്തില്‍പ്പെട്ടതിനെ തുടര്‍ന്ന് ദുരിതത്തിലായ തീവണ്ടിയാത്രികര്‍ക്ക് ആശ്വാസമേകി ഓച്ചിറ ദാറുല്‍ ഉലൂം ഉലൂം സേവകരും വിദ്യാര്‍ത്ഥികളും കുടിവെള്ളവും ബിസ്‌കറ്റും പഴവും വിതരണം ചെയ്തു.
ഇന്റര്‍സിറ്റി എക്‌സ്പ്രസ്, ഐലന്റ് എക്‌സ്പ്രസ്, ജയന്തി എക്‌സ്പ്രസ് തുടങ്ങിയ തീവണ്ടികളിലെ യാത്രക്കാരുടെ ബുദ്ധിമുട്ട് മനസിലാക്കിയതിനെ തുടര്‍ന്നാണ് ഭക്ഷണങ്ങള്‍ വിതരണം ചെയ്തത്.
സ്റ്റേഷന് സമീപം ചെറിയ കടകള്‍പോലും ഇല്ലാതിരുന്ന സാഹചര്യത്തില്‍ വിദ്യാര്‍ത്ഥികളുടെ ഈ പ്രവൃത്തി യാത്രക്കാര്‍ക്ക് അശ്വാസമായി.
നട്ടുകാരും റെയില്‍വേ ഉദ്യോഗസ്ഥരും ഇവരെ അഭിനന്ദിച്ചു. ദാറുല്‍ ഉലൂം സേവകര്‍ക്കൊപ്പം മുഹമ്മദ് സ്വാലിഹ്, അബ്ദുല്‍ ഹമീദ്, ഓച്ചിറ സ്റ്റാന്റ് ഓട്ടോ ഡ്രൈവര്‍ ഷഫീര്‍ പടിഞ്ഞാറെ തെരുവ് തുടങ്ങിയവരും പങ്കെടുത്തു.