കൊച്ചി: തീരസുരക്ഷയുടെ ഭാഗമായി കളര്‍ കോഡിങ് നടപ്പാക്കണമെന്ന നിര്‍ദേശം പാലിക്കാത്ത മത്സ്യബന്ധനബോട്ടുകള്‍ക്കെതിരെ കര്‍ശന നടപടി സ്വീകരിക്കുമെന്ന് ഫിഷറീസ് എറണാകുളം മേഖല ഡപ്യൂട്ടി ഡയറക്ടര്‍ അറിയിച്ചു.


ഇതു സംബന്ധിച്ച് നിരന്തരം അറിയിപ്പുകള്‍ നല്‍കിയിട്ടും നടപ്പാക്കാത്ത ബോട്ടുകളുണ്ടെന്ന് കണ്ടെത്തിയ സാഹചര്യത്തിലാണ് ഫിഷറീസ് വകുപ്പിന്റെ നീക്കം.


മറ്റ് സംസ്ഥാനങ്ങളിലെ ബോട്ടുകള്‍ കളര്‍ കോഡിങ് പാലിക്കുന്നുണ്ടെന്ന് ദേശീയ തീര രക്ഷാസേന ഓര്‍മപ്പെടുത്തുന്ന സാഹചര്യത്തില്‍ ഇനിയും നടപടി വൈകിക്കാനാകില്ലെന്ന് ഡപ്യൂട്ടി ഡയറക്ടര്‍ വ്യക്തമാക്കി.